مەجٸلٸس دەپۋتاتى نارتاي ارالبايۇلى قازاقستاندا 1 ميلليونعا جۋىق جاس جۇمىسسىز ەكەنٸن مەلٸمدەدٸ, دەپ حابارلايدى Dalanews.kz.
دەپۋتاتتىڭ سٶزٸنشە, ۋەكٸلەتتٸ ورگاندار ٶتٸرٸك ستاتيستيكا جاساۋمەن اينالىسىپ جٷر.
"ۋەكٸلەتتٸ ورگاندار "مٸنە بٸز جۇمىس ٸستەدٸك" دەگەندەي كٶرسەتەدٸ. بٸراق جاستار پراكتيكاسى بويىنشا بەرەتٸن جالاقى 30 اەك. 110 مىڭنان سەل اساتىن قاراجات. ەشكٸم ونداي جالاقىعا جۇمىس ٸستەگٸسٸ كەلمەيدٸ. سەبەبٸ بۇعان ٶزٸڭدٸ اسىراۋ مٷمكٸن ەمەس. سوندىقتان ناقتى ۇسىنىس: 30 اەكتەن 40 اەككە كٶتەرۋ كەرەك. بۇل كٶپ مەسەلەنٸ شەشەدٸ", دەيدٸ دەپۋتات.
سونىمەن قاتار, اۋىلدىق جەرلەرگە باراتىن جاستارعا 45 اەك بەرۋ كەرەك.
"مىسالى دەرٸگەردٸ تارتۋ ٷشٸن 9 ملن بەرەمٸز دەپ جاتىرمىز. جاستاردى دا جۇمىسپەن قامتۋ ٷشٸن جاستار تەجٸريبەسٸ ارقىلى اۋىلعا ەڭ بولماعاندا 45 اەك بەرسەك, ول دا ازعانتاي پروبلەمانى شەشەدٸ دەپ ويلايمىز. ودان بٶلەك, الماتى وبلىسىندا كەسٸپ باستاۋعا بەرەتٸن ارنايى كرەديتتەر بار. الماتى وبلىسىندا 2,5 پايىزدىق نەسيەگە قاجەت قارجى بٶلٸنبەي قالعان. باعدارلاما بار, اقشا جوق, دەيدٸ دەپۋتات.
جاستاردىڭ كەسٸپ باستاۋىنا بەرٸلەتٸن كرەديتتەر بيۋجەت تاپشىلىعىنان توقتاپ قالعان. قايتا جالعاستىرۋ كەرەك.
“جاستار پراكتيكاسى” بويىنشا 1 جىل جۇمىس ٸستەگەن جاستار كەيٸن بۇل باعدارلاماعا قاتىسا المايدى. “زەينەتاقى قورىندا اقشا بار” دەپ. دەپۋتات وسى شەشٸمدٸ قايتا قاراۋ كەرەگٸن جەتكٸزدٸ.
سونىمەن قاتار, كافە, رەستوراندا قوسىمشا جۇمىس ٸستەگەن جاستار مەن “جاسىل ەلدە” قىزمەت ەتكەن جاستار “جاستار پراكتيكاسىنا” قاتىسا المايدى. “زەينەتاقى جارناسى تٶلەنگەن” دەپ. مۇنى قايتا قاراۋ كەرەك!
قر ٸٸم “قازاقستانداعى قىلمىستىڭ ەربٸر ٷشٸنشٸسٸن جۇمىسسىز جاستار جاسايتىنىن” مەلٸمدەگەن. دەپۋتات بۇل ٷلكەن پروبلەما ەكەنٸن ايتتى.
"جاستار رەسۋرستىق ورتالىعىنا ەكٸمدٸكتٸڭ ەڭگٸرتاياق ويناتۋىن توقتاتۋ كەرەك! ٶزٸم تٶراعالىق ەتەتٸن رەسپۋبليكالىق جاستاردى قولداۋ كەڭەسٸندە @jastar.kenesi “جاستار اراسىنداعى جۇمىسسىزدىق” مەسەلەسٸن قاۋزادىق. ۇسىنىستار ورتالىق مەملەكەتتٸك ورگاندارعا جولداندى", دەيدٸ نارتاي ارالبايۇلى.
