Otyrarda "Altyn kúz" aýylsharýashylyq jármeńkesi ótti.
Túrkistan oblysy Otyrar aýdanynda "Altyn kúz" aýylsharýashylyq jármeńkesi ótti. Diqandar merekesi aiasynda aýdandaǵy 13 aýyldyq okrýgtiń sharýalary men taýar óndirýshileri jazdai eńbek etip, qol jetkizgen jemisi men túrli ónimderin óńir turǵyndaryna 15-20 paiyz tómen baǵamen usyndy.
Jármeńkede 5 tonna un jáne 10 tonna kartop, 1 jarym tonna sábiz, 5 tonna piiaz, 2 tonna oramjapyraq sekildi túrli baqsha daqyldarymen qatar, aýdannyń erekshe suranysqa ie ózindik airyqsha taýary qarbyz ben qaýynnan jasalǵan "qaýyn qaq", "qaýynqurt" jáne "Maiaqum shubaty" jáne "Otyrar shubaty" sekildi túie súti men et ónimderi, sondai-aq tary, talqan, qurt, irimshik syndy 50 tonnaǵa jýyq taýarlar turǵyndar suranysyna ie boldy.
Otyrar aýdanynyń ákimi Aitahanov Erlan Qýanyshuly mereke qarsańynda uiymdastyrylǵan jármeńkege baryp, satýshylar jáne tutynýshylarmen júzdesti.
- Jyl saiyn ótip otyratyn jármeńkeniń biylǵy ereksheligi - halyqqa usynylǵan taýarlar kórsetkishiniń artýynda. Aldaǵy ýaqytta mundai jármeńkeler jalǵasyn tabatyn bolady. Biz aýylsharýashylyǵy ónimderin shyǵaryp qana qoimai ony odan ári damytyp, tereń óńdep, daiyn qaptalǵan ónimderdi shyǵarýdy qalyptastyrý ústindemiz.
Qazirgi tańda, Otyrar aýdanynyń brendi retinde qalyptasqan "qaýyn qaq", "qaýynqurt" ónimderi men "Maiaqum shubaty" men "Otyrar shubaty" elimizdiń túkpir-túkpirine taralýda.
Túie sútinen óndirilgen ónimderdi alys-jaqyn jerlermen qatar, sheteldik týristerge de usynyp, paidaly emdik ári sýsyndyq qasieti jóninen de qyzyǵýshylyqty arttyrýǵa jumys jasalýda",-dedi aýdan ákimi Erlan Aitahanov.
Aita ketsek, aýdan sharýalary biylǵy jyly úlken jetistikterge qol jetkizgen. Aýyl eńbekkerleri júgeri, kókónister men baqsha ónimderin óndirýde mol tabystarǵa kenelip, túsim kólemin arttyrsa, mal sharýashylyǵynda da ótken jyldarmen salystyrǵanda kórsetkish joǵary.
