Otyrarda Shámshiniń eńseli eskertkishi boi kóterdi
Qara topyraǵynda tabanynynyń izi qalǵan, óz esimimen atalatyn aýylda el igiligine berilgen saiabaq tórinde asa kórnekti sazger, án janrynyń áigili maitalmany, Qazaqstan mádenietine eńbegi sińgen qairatker, Qazaqstannyń halyq ártisi Shámshi Qaldaiaqovtyń eńseli eskertkishi de boi kóterdi.
Saltanatty sharaǵa aýdan basshysy Erlan Aitahanov, ziialy qaýym ókilderi men aýdan turǵyndary qatysty.
Saiabaqtyń ashylý saltanatynda aýdan ákimi Erlan Aitahanov aýyl turǵyndaryn Táýelsizdiktiń 27 jyldyq mereili merekesimen quttyqtap, kompozitor saiabaǵy men eskertkishiniń lentasyn qidy.
– Babalarymyzdyń ǵasyrlar boiy ańsap, qol jetkizgen Táýelsizdik kúnimen jáne «Qazaq valsiniń koroli» Shámshi Qaldaiaqovtyń qurmetine arnalǵan saiabaqtyń ashylýymen shyn júrekten quttyqtaimyn. Búginde egemen elimiz kún sanap kórkeiip, jahandyq básekege qabiletti eldermen iyq tirese, rýhani jańǵyrý jolyna túsip keledi. Ult Kóshbasshysy Nursultan Ábishuly Nazarbaev «Bolashaqqa baǵdar: rýhani jańǵyrý» atty maqalasynyń «Týǵan jer» baǵdarlamasynda Otanymyzdy kórkeitip, qazaqstandyqtardyń jaǵdaiyn jaqsartý úshin kóptegen jumystardy atqarý kerek ekenin atap kórsetken bolatyn. Osy baǵytta aýdanymyzda birneshe aýqymdy jumystar jumystar atqarylyp keledi. Munyń bári Táýelsiz memleketimizdiń beibit kúnderde qol jetkizgen jetistikteri dep bilemin. Sondai-aq, Elbasynyń jýyrda ǵana jaryqqa shyqqan "Uly dalanyń jeti qyry" maqalasynyń "Uly dalanyń uly esimderi" bóliminde de uly tulǵalar shoǵyryn keńinen nasihattap, eskertkishter men tulǵalar galereiasyn jasaý syndy birqatar mańyzdy bastama kótergeni belgili.
Bar qazaqty ásem ánimen áldilep, óner kókjiegin syrly ánderimen kómkergen sazger atyndaǵy saiabaq aýyl turǵyndary men onyń qonaqtary úshin tamasha demalys orny bolmaq. Elimizdiń eń basty bailyǵy, eń asyl qazynasy- halqy. Sol halyqtyń salaýatty, ári rýhani kúsh-qýatqa bai bolyp ómir súrýi úshin osy sekildi saiabaqtar qyzmet ete beredi degen senimdemin, – dedi Erlan Aitahanov.
Aýmaǵy atshaptyrym demalys orny oiý-órnekti qorshaýmen bekitilip, qylqan japyraqty 100 túp aǵash jáne jergilikti klimatqa beiimdelgen 600 túp qara aǵash otyrǵyzylǵan. Ádemi aiaq joldardyń boiyna 14 oryndyq qoiylyp, kelýshilerdiń demalýyna jaǵdai jasalǵan. Jaýyn men ystyq kúnnen qorǵan bolatyn 4 raton da saiabaqtyń árin kirgizip tur. Kóktem ailarynda saiabaq ishi kompozitor ániniń notalary beinelene otyryp, gúldermen kómkerilmek.
Shara barysynda memlekettik gimn avtory qurmetine boi kótergen igilikti iske aýyl qariialary júrek jardy lebizderin aityp, aq batalaryn berdi. Odan ári saltanatty sharada uly sazgerdiń balalyq shaǵynan kórinister qoiylyp, qazaq dalasyn ánmen terbetken sazgerdiń ánderi shyrqaldy.
Otyrar aýdany ákiminiń baspasóz qyzmeti
