قارا توپىراعىندا تابانىنىنىڭ ءىزى قالعان، ءوز ەسىمىمەن اتالاتىن اۋىلدا ەل يگىلىگىنە بەرىلگەن ساياباق تورىندە اسا كورنەكتى سازگەر، ءان جانرىنىڭ ايگىلى مايتالمانى، قازاقستان مادەنيەتىنە ەڭبەگى سىڭگەن قايراتكەر، قازاقستاننىڭ حالىق ءارتىسى ءشامشى قالداياقوۆتىڭ ەڭسەلى ەسكەرتكىشى دە بوي كوتەردى.
سالتاناتتى شاراعا اۋدان باسشىسى ەرلان ايتاحانوۆ، زيالى قاۋىم وكىلدەرى مەن اۋدان تۇرعىندارى قاتىستى.
ساياباقتىڭ اشىلۋ سالتاناتىندا اۋدان اكىمى ەرلان ايتاحانوۆ اۋىل تۇرعىندارىن تاۋەلسىزدىكتىڭ 27 جىلدىق مەرەيلى مەرەكەسىمەن قۇتتىقتاپ، كومپوزيتور ساياباعى مەن ەسكەرتكىشىنىڭ لەنتاسىن قيدى.
– بابالارىمىزدىڭ عاسىرلار بويى اڭساپ، قول جەتكىزگەن تاۋەلسىزدىك كۇنىمەن جانە «قازاق ءۆالسىنىڭ كورولى» ءشامشى قالداياقوۆتىڭ قۇرمەتىنە ارنالعان ساياباقتىڭ اشىلۋىمەن شىن جۇرەكتەن قۇتتىقتايمىن. بۇگىندە ەگەمەن ەلىمىز كۇن ساناپ كوركەيىپ، جاھاندىق باسەكەگە قابىلەتتى ەلدەرمەن يىق تىرەسە، رۋحاني جاڭعىرۋ جولىنا ءتۇسىپ كەلەدى. ۇلت كوشباسشىسى نۇرسۇلتان ءابىش ۇلى نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىنىڭ «تۋعان جەر» باعدارلاماسىندا وتانىمىزدى كوركەيتىپ، قازاقستاندىقتاردىڭ جاعدايىن جاقسارتۋ ءۇشىن كوپتەگەن جۇمىستاردى اتقارۋ كەرەك ەكەنىن اتاپ كورسەتكەن بولاتىن. وسى باعىتتا اۋدانىمىزدا بىرنەشە اۋقىمدى جۇمىستار جۇمىستار اتقارىلىپ كەلەدى. مۇنىڭ ءبارى تاۋەلسىز مەملەكەتىمىزدىڭ بەيبىت كۇندەردە قول جەتكىزگەن جەتىستىكتەرى دەپ بىلەمىن. سونداي-اق، ەلباسىنىڭ جۋىردا عانا جارىققا شىققان "ۇلى دالانىڭ جەتى قىرى" ماقالاسىنىڭ "ۇلى دالانىڭ ۇلى ەسىمدەرى" بولىمىندە دە ۇلى تۇلعالار شوعىرىن كەڭىنەن ناسيحاتتاپ، ەسكەرتكىشتەر مەن تۇلعالار گالەرەياسىن جاساۋ سىندى ءبىرقاتار ماڭىزدى باستاما كوتەرگەنى بەلگىلى.
بار قازاقتى اسەم انىمەن الديلەپ، ونەر كوكجيەگىن سىرلى اندەرىمەن كومكەرگەن سازگەر اتىنداعى ساياباق اۋىل تۇرعىندارى مەن ونىڭ قوناقتارى ءۇشىن تاماشا دەمالىس ورنى بولماق. ەلىمىزدىڭ ەڭ باستى بايلىعى، ەڭ اسىل قازىناسى- حالقى. سول حالىقتىڭ سالاۋاتتى، ءارى رۋحاني كۇش-قۋاتقا باي بولىپ ءومىر ءسۇرۋى ءۇشىن وسى سەكىلدى ساياباقتار قىزمەت ەتە بەرەدى دەگەن سەنىمدەمىن، – دەدى ەرلان ايتاحانوۆ.
اۋماعى اتشاپتىرىم دەمالىس ورنى ويۋ-ورنەكتى قورشاۋمەن بەكىتىلىپ، قىلقان جاپىراقتى 100 ءتۇپ اعاش جانە جەرگىلىكتى كليماتقا بەيىمدەلگەن 600 ءتۇپ قارا اعاش وتىرعىزىلعان. ادەمى اياق جولداردىڭ بويىنا 14 ورىندىق قويىلىپ، كەلۋشىلەردىڭ دەمالۋىنا جاعداي جاسالعان. جاۋىن مەن ىستىق كۇننەن قورعان بولاتىن 4 راتون دا ساياباقتىڭ ءارىن كىرگىزىپ تۇر. كوكتەم ايلارىندا ساياباق ءىشى كومپوزيتور ءانىنىڭ نوتالارى بەينەلەنە وتىرىپ، گۇلدەرمەن كومكەرىلمەك.
شارا بارىسىندا مەملەكەتتىك گيمن اۆتورى قۇرمەتىنە بوي كوتەرگەن يگىلىكتى ىسكە اۋىل قاريالارى جۇرەك جاردى لەبىزدەرىن ايتىپ، اق باتالارىن بەردى. ودان ءارى سالتاناتتى شارادا ۇلى سازگەردىڭ بالالىق شاعىنان كورىنىستەر قويىلىپ، قازاق دالاسىن انمەن تەربەتكەن سازگەردىڭ اندەرى شىرقالدى.
وتىرار اۋدانى اكىمىنىڭ باسپا ءسوز قىزمەتى
