Otyrarda jastar máselesi sóz boldy
Keńeste Marginaldy jastar, esepte turǵan, táýekel topqa jatatyn jastar jáne aýdan jastary arasynda qylmys pen quqyq buzýshylyqtyń aldyn alý , baǵytynda atqarylǵan jumystar jóninde aýdandyq ishki ister bóliminiń Jergilikti politsiia iývenaldy politsiia tobynyń aǵa inspektory T.Meńlibaev, ana men bala óliminiń aldyn alý jáne jas otbasylarǵa qoldaý kórsetý, jastar arasynda sýitsit pen erte júktiliktiń aldyn alý sharalary boiynsha atqarylǵan jáne atqarylatyn jumystar týraly aý¬¬dandyq emhananyń bas dárigeri F.Shyrynbekov esep berdi. Sondai-aq jiynda Talapty, Qoǵam, Sháýildir aýyl okrýgteriniń ákimderi jastar saiasaty boiynsha aýyl okrýg kóleminde atqarylyp jatqan jumystar týraly baiandama jasady.
Ishki ister bólimi bergen málimetke súiener bolsaq oblys boiynsha bizdiń aýdan basqa aýdandarǵa qaraǵanda qylmys jasaý jaǵynan tómengi satyda eken. Degenmen, jastar arasyndaǵy keleńsiz jaǵdailardy aldyn-alý, máselen, óz-ózine qol jumsaý iaǵni sýitsid, qyzdar arasynda erte júktilik, maskúnemdik, nashaqorlyq, buzaqylyq syndy jat áreketterden saq bolý úshin aýdannyń psiholog mamandary men ishki ister qyzmetkerleri jáne jastar birlese jumys atqarý kerektigin aitqan aýdan ákiminiń orynbasary Perdehan Abaiuly tiisti sala basshylaryna tapsyrdy. Keńes músheleri jiynda esep bergen aýyl okrýg ákimderi men sala basshylaryna túrli suraqtar qoiyp, óz usynys pikirlerin bildirdi.
Májiliste qorytyndy sóz sói¬legen aýdan ákiminiń orynbasary P.Japparqulov jumysty áli shiratý kerektigin, jastar arasyndaǵy qylmysty azaitý úshin máselesiniń tiianaqty sheshilýine basa nazar aýdarý qajet ekenin, kelesi keńes májilisinde barlyǵy formaldi túrde ótpei naqty, ózekti degen máselelerdi qaraý kerektigin erekshe atap ótken aýdan ákiminiń orynbasary birqatar mekeme basshylaryna naqty tapsyrmalar júktedi.
Jiyn sońynda aýdandyq Jastar resýrstyq ortalyǵy KMM-niń direktory B.Ádilhanov «Jasyl el» baǵdarlamasy aiasynda aýdanymyzdan 120 jasty jumyspen qamtý josparda baryn aityp, ár aýyl okrýg jastaryn osy baǵdarlamaǵa jumyldyrýdy qatystyrsańyzdar degen usynysyn bildirse, keńes músheleri jasóspirimder arasynda sýitsidtiń aldyn-alý úshin kásibi mamandar kelip ustazdar men ata-analar arasynda arnaiy jiyndar ótkizse degen usynystaryn aitty.
