Is-shara Otyrar halyq teatrynyń jastar tárbiesine qatysty sahnalyq qoiylymymen bastaldy. Forýmǵa aýdan ákimi Sáken Sultanhanov arnaiy qatysyp, qazirgi tańda jasóspirimder arasyndaǵy quqyqbuzýshylyqtyń aldyn alý – qoǵamnyń aldynda turǵan basty mindetterdiń biri ekenin atap ótti.
– Búginde jastarǵa degen qamqorlyq barlyq salada kórinis tabýda. Elimizde qabyldanyp jatqan memlekettik baǵdarlamalarda jastardyń róli men belsendiligine airyqsha mán berilgen.
Sizderge memleket tarapynan mol múmkindikter qarastyrylyp otyr. Endeshe, aýdan jastary memleketimizdiń órkendeýi men jarqyn bolashaǵy jolynda jastyq jalynymen, erik-jigerimen aianbai eńbek etip, el úmitin aqtaidy dep senemin, – dedi aýdan basshysy.
Jiynda aýdandyq politsiia bóliminiń basshysy, politsiia podpolkovnigi Ermek Óserbaev pen aýdandyq jastar resýrstyq ortalyǵynyń basshysy Azamat Dosanov jastar arasyndaǵy quqyqbuzýshylyqdyń aldyn alý jáne qaýipsizdikti qamtamasyz etý baǵytyndaǵy, sondai-aq dini ekstremizm men nashaqorlyq siiaqty jat qylyqtardyń aldyn alý boiynsha atqarylǵan jumystar týraly baiandady.
Óz kezeginde aýdandaǵy bilim salasynyń ardageri Belgibai Máriia jastardy únemi paidaly ispen ainalysyp, jaqsylyq jasaýǵa shaqyrdy.
Forým sońynda aýdan ónerpazdary patriottyq ánderdi shyrqap, jiynǵa qatysýshylarǵa kóterińki kóńil-kúi syilady.
