Otyrarda bos jatqan jerler igeriledi
Otyrarda biyl jospar boiynsha egistik kólemi 25 myń gektarǵa jetýi kerek bolǵan. Áitse de, qajetti túgendeý (inventarizatsiia) jumystarynyń nátijesinde onyń kólemi 28 gektarǵa ulǵaidy. Oǵan qosa, osy jyly Syrdariia men Arys ózenderinde sý mol bolǵandyqtan, «qyzyl sý» egis alqaptary men jaiylymdyq jáne shabyndyq jerlerge buryldy. Munan bólek, jaz ailarynda paida bolatyn sý tapshylyǵynyń aldyn alý maqsatynda Shybyqbelde jeti million kýb, Kóksaraida on million kýb tirshilik nári jinaldy. Endi jaz mezgilinde Maiaqum men Kóksarai aýylyndaǵy eki myń gektarǵa jýyq egistik alqaptar osy tasqynsý esebinen sýarylmaq. Osyǵan bailanysty Syrdariia men Arys ózenderiniń arasyndaǵy 368 shaqyrymdyq drenajdyq júie qalpyna keltirilmek. Osylaisha bos jatqan jerlerge diqandar egin egip, aýdan ekonomikasynyń ósýine yqpal etpek.
