Alaıda, jergilikti rejıser Nurlan Jalǵasbaev kórermenderdi dramalyq oıynmen qajytyp jibermeý úshin qoıylymnyń komedıalyq nusqasyn tańdapty.
Halyq teatrynyń akterlary somdaǵan komedıa jelisi boıynsha bas qaharman Dıláfrýz bir mezette tórt jigitke birdeı ǵashyq bolady. Al, qyzdyń júregin jaýlaǵan tórt seriniń biri uıalshaq, biri tym ózimshil, al úshinshisi ózine jamandyq oılamaıtyn tákappar bolsa, sońǵysy aqyl toqtatqan azamat.
Bul jaǵdaıdyń barlyǵy Dıláfrýzdy ábden shatastyryp, tańdaýyn qıyndatady. Desekte qoılym sońynda talaı synnan ótken arý qyz óz tańdaýyn jasaıdy.
Ómirdiń birde qatty, birde tátti bolatyny sekildi komedıalyq qoılym mahabbat taqyrybynda bolǵanyna qaramastan qoıýshy rejıser men akterlardyń oılary bir jerden shyǵyp, kórermenderdi birde kúlkige qaryq qylsa, endi birde tereń oıǵa batyryp, tamasha kóńil-kúı syılady.
Halyq teatrynyń ónerpazdarynyń kóp izdenýdiń arqasynda, óz rólderin jan-tánimen berile oınaýy, kásibı teatrdyń ártisterinen kem túsken joq. Kórermender de kópten beri mundaı tyń qoılymdardy saǵynyp qalsa kerek, teatr akterlarynyń ónerlerine uzaq qol soqty.
«Dalanews» aqparat
