حالىق تەاترىنىڭ اكتەرلارى سومداعان كومەدييا جەلٸسٸ بويىنشا باس قاھارمان ديليافرۋز بٸر مەزەتتە تٶرت جٸگٸتكە بٸردەي عاشىق بولادى. ال, قىزدىڭ جٷرەگٸن جاۋلاعان تٶرت سەرٸنٸڭ بٸرٸ ۇيالشاق, بٸرٸ تىم ٶزٸمشٸل, ال ٷشٸنشٸسٸ ٶزٸنە جاماندىق ويلامايتىن تەكاپپار بولسا, سوڭعىسى اقىل توقتاتقان ازامات.
بۇل جاعدايدىڭ بارلىعى ديليافرۋزدى ەبدەن شاتاستىرىپ, تاڭداۋىن قيىنداتادى. دەسەكتە قويلىم سوڭىندا تالاي سىننان ٶتكەن ارۋ قىز ٶز تاڭداۋىن جاسايدى.
ٶمٸردٸڭ بٸردە قاتتى, بٸردە تەتتٸ بولاتىنى سەكٸلدٸ كومەدييالىق قويلىم ماحاببات تاقىرىبىندا بولعانىنا قاراماستان قويۋشى رەجيسسەر مەن اكتەرلاردىڭ ويلارى بٸر جەردەن شىعىپ, كٶرەرمەندەردٸ بٸردە كٷلكٸگە قارىق قىلسا, ەندٸ بٸردە تەرەڭ ويعا باتىرىپ, تاماشا كٶڭٸل-كٷي سىيلادى.
حالىق تەاترىنىڭ ٶنەرپازدارىنىڭ كٶپ ٸزدەنۋدٸڭ ارقاسىندا, ٶز رٶلدەرٸن جان-تەنٸمەن بەرٸلە ويناۋى, كەسٸبي تەاتردىڭ ەرتٸستەرٸنەن كەم تٷسكەن جوق. كٶرەرمەندەر دە كٶپتەن بەرٸ مۇنداي تىڭ قويلىمداردى ساعىنىپ قالسا كەرەك, تەاتر اكتەرلارىنىڭ ٶنەرلەرٸنە ۇزاق قول سوقتى.
«Dalanews» اقپارات
