Ázir Otyrar aýdanynda 7 eldi mekenniń turǵyndary aýyzsýdy tasyp ishedi. «Satyp ishken sýdyń berekesi bolmaidy», – deidi aýyl turǵyndary. Aiyna eki ret 2 myń teńgeden tólep, esik aldyndaǵy qudyqty toltyryp alady. Turyp qalǵan tirshilik nárin tutynýdyń ózi qiyn.
– Árine, taza sý kelse, júdá, jaqsy bolar edi, densaýlyqqa paidaly tasyp ishkennen. Jerdiń astynan shyqqan sýǵa ne jetsin! – deidi aýyl turǵyndary.
Qazirgi kúni Otyrar aýdanynda 38 eldi meken bar. Onyń 31 aýyzsýmen qamtylǵan.
Aýyzdary taza aýyzsýǵa jetpei otyrǵan 7 eldi mekenniń ekeýine biyl társhilik nári tartylmaq. Olar Qosterek pen Arysaqtam aýyldary.
Erlan Aitahanov, Otyrar aýdanynyń ákimi:
– Eki eldi mekennen 1500 halqy bar aýyl aýyzsýmen qamtylady dep josparlap otyr. Bul joba ótpeli, biyl bastalyp, kelesi jyly aiaqtalady. Qalǵan 5 eldi mekendi aitatyn bolsaq, 3 eldi mekenniń jobalyq-smetalyq qujattary búgingi tańda daiyndalyp, ony oblystyq, respýblikalyq biýdjetke usyndyq. Jalpy bizdiń josparymyz – 2020 jylǵa deiin aýdandaǵy aýyzsý máselesin tolyq sheshý.
Jalpy aldaǵy jyly Túrkistan oblysynda 35 eldi mekendi aýyzsýmen qamtý josparlanyp otyr. Oǵan biýdjetten 9,6 mlrd teńge bólinip, 76 nysannyń qurylysy iske asyrylýda. Nátijesinde tirshilik nárinen taryqqan 20 myń adamnyń aýyzy taza aýyzsýǵa jetedi. Al 2020 jylǵa qarai qala turǵyndarynyń 97 paiyzy, aýyldyq eldi mekenderdiń 83 paiyzy ortalyqtandyrylǵan aýyzsýmen qamtylatyn bolady.
