Senbilikte tóńirekter tazalanyp, tal-daraqtar ákteldi, aryq-atyzdar shabyldy, mekeme-uiym ǵimarattary aldyna kóshetter otyrǵyzyldy.
Aýdan ortalyǵy Sháýildir aýylynan bastalǵan tazalyq jumystary kóshelerdiń shyraiyn arttyra tústi. Jalpy ortalyqtaǵy "Jibek joly" dańǵyly boiyna 500 túp, Arys jaǵalaýy boiyndaǵy saiabaqqa 800 túp, "Oqsyz" sport kesheniniń aýmaǵyna 400-ge jýyq kóshetter otyrǵyzyldy. Sondai-aq, Temir aýylyndaǵy saiabaq pen mádeniet úiiniń mańyna 500 túp, Shilikte 2100 túp, Qaraqońyr men Baltakólde 1260 túp, Otyrar men Maiaqumda 2520, Qoǵam men Qarǵalyda 2310, Aqqum, Kóksarai, Aqtóbe aýyl okrýgterinde 840 túpten kóshetter otyrǵyzyldy. Atalǵan kóshetterdiń barlyǵy da saiabaqtar men gúlzarlarǵa, sonymen qatar arnaiy belgilengen oryndarǵa egildi.
Óskeleń urpaqty eńbeksúigishtikke shaqyratyn tárbielik máni zor sharaǵa aýdan ákimi Erlan Aitahanov arnaiy qatysyp, kópshilikpen birge tazalyq jumystaryna atsalysty. «Buiyrtsa, osy aǵashtardyń saiasynda áli talai otyryp, demalamyz» degen aýyl qariialary aptanyń ár senbisin tazalyqqa arnap, keler urpaqqa ónege bolyp júrgen el azamattarynyń isine súisinip, qyzý eńbekke ózderi de atsalysty. Otyrǵyzylǵan jasyl jelekti kóz qarashyǵyndai saqtap, keleshekke jetkizýdi amanattady.
Aýyl – ortaq úiimiz. Sondyqtan, onyń kórkeiip, gúldenýine árbir turǵyn bei-jai qaramai, qoqys-qaldyqtardy kez kelgen jerge laqtyrmai, taza ustaýǵa at salysýy qajet. Óitkeni, ortaq úiimizdiń kórkeiýi óz aýlamyzdy taza ustaýdan bastalatyny belgili. Senbilik barysynda osyny jastarǵa sabaq etken turǵyndar qaimaǵy buzylmas yntymaq pen birliktiń eren úlgisin kórsetti.
Dalanews.kz
