Barlyǵy 207 mln. teńgeniń qarjylai kómegin alǵan jergilikti halyq qazir túrli biznesti túletip, kúnkórisin jaqsartyp otyr.
Otyrar aýdandyq jumyspen qamtý ortalyǵynyń direktory Muhit Amangeldiniń aitýynsha, kómek alǵandardyń kóbisi mal sharýashylyǵymen ainalysyp jatyr.
"Biri ýaq mal alyp, biri mal bordaqylaýmen ainalysyp jatyr. Qus sharýashylyǵyn qolǵa alǵandar da bar. Eńbekke qabiletti 600 azamatty jumyspen qamtydyq", – deidi ol.
Aita keteiik, oblysta biylǵy jyly 30 myńnan asa otbasy ataýly áleýmettik kómekke qol jetkizgen.Túrli kólemde qarjylai kómek alǵan 2 jarym myńnan asa azamat jeke kásipker retinde tirkelgen bolsa, 23 myńnan asa eńbekke qabyletti azamat túrli jumys oryndaryna ornalasypty.
Muhit Otarshiev, Túrkistan oblystyq jumyspen qamtýdy úilestirý jáne áleýmettik baǵdarlamalar basaqarmasynyń basshysy: «Ataýly áleýmettik kómek shartty jáne shartsyz tólemder túrinde júzege asyrylady. Shartty aqshalai kómekti 27 myńnan asa otbasyna, shartsyz aqshalai kómekpen 3300 otbasy qamtamasyz etilip otyr». Salaǵa jaýaptylar qazir jańa sipattaǵy ataýly áleýmettik kómek jergilikti halyqty kedeilik qursaýynan qutqaryp, turmysyn túzeýine sep bolýda dep sendiredi.
