QR Syrtqy ister ministrliginiń resmi ókili Aibek Smadiiarov Qazaqstan azamattaryn Ýkrainadan evakýatsiialaý týraly ótinishter túspegenin, sondyqtan arnaiy ushaqtardy jiberý josparda joq ekenin málimdedi, dep habarlaidy Dalanews.kz.
Smadiiarovtyń aitýynsha, Ýkrainadaǵy Elshilik shtattyq rejimde jumys istep keledi. Syrtqy ister ministrliginde álemdegi jaǵdaiǵa monitoring jasaityn arnaiy Ahýaldyq ortalyq bar. Ministrlik málimetine sáikes, Kievtegi sheteldik diplomatiialyq korpýs óz jumysyn jalǵastyryp keledi jáne azamattaryn evakýatsiialap jatqan joq.
“Qazaqstandyqtardan da evakýatsiialaý boiynsha ótinishter túsken joq jáne qazir arnaiy ushaqtardy jiberý josparda joq. Ózderińiz biletindei, Ýkrainada soǵystyń jalǵasyp jatqanyna eki jyldan asty. Ketemin degen azamattar elden shyǵyp ketken. Biraq bizdiń esebimiz boiynsha Ýkrainada qazir 300-ge jýyq Qazaqstan azamaty bolýy múmkin. Naqty sanyn aitý anyqtaý qiyn” – delingen resmi málimdemede.
Aita keteiik, birneshe kún buryn SIM Ýkrainadaǵy Qazaqstan azamattaryna elden shyǵýǵa keńes bergen bolatyn. Smadiiarovtyń sózinshe, Qazaqstannyń diplomatiialyq qyzmeti óz mindetterin tolyq atqaryp keledi jáne qajet bolǵan jaǵdaida otandastarǵa barlyq qajetti kómek kórsetýge daiyn. Ministrlik Ýkrainadaǵy jaǵdaidyń damýyna qarai tiisti sharalar qabyldaitynyn da atap ótti.
