Jyl saiyn dástúrli túrde ótetin «Otbasymen mýzeige!» festivaliniń negizgi maqsaty – otbasyndaǵy rýhani, mádeni qundylyqtardy saqtaý, jas urpaq tárbiesin qalyptastyrý jáne otbasy institýtyn nyǵaitý bolyp tabylady.
Atalmysh merekelik shara baǵdarlamasynda: viktorinalyq suraqtar, baiqaýlar, sheberlik-saǵattar, mýzei mamandarynyń el tarihy, mádenieti týraly taqyryptyq sabaqtary men ekskýrsiialary júrgiziledi. «Otbasymen mýzeige!» festivaline balalar klýby, shyǵarmashylyq akademiialar, bilim berý ortalyqtary, beineleý stýdiialary, sýretshiler, sándik-qoldanbaly óner sheberleri, mýzykalyq ujymdar jáne t.b. belsendi atsalysady.
Festivaldiń kontserttik baǵdarlamasyn QR Halyq ártisi, KSRO Kompozitorlar Odaǵynyń múshesi Murat Serkebaevtyń basshylyǵymen, Qazaqstanǵa ǵana emes sondai-aq, kórshi elderge tanymal «Almaty qalasy Ákiminiń kontserttik orkestri» ashady. Kontsertte qazaqtyń uly kompozitorlary – Qurmanǵazy, Jaiaý Musanyń ataqty klassikalyq týyndylary, opera jáne balet teatry áýenderiniń úzindileri oryndaldy.
Otbasylyq sátter men balalardyń shyǵarmashylyq qabiletterin arttyrý maqsatynda mýzeide 29 qyrkúiek pen 10 qazan aralyǵynda «Meniń otbasym, meniń Almatym» atty kórme jumys isteidi.
Kórmege qalamyzdyń 19 balalar beineleý stýdiialary, sheberhanalar, beineleý mektepteri men óner mektepteriniń jumystary qoiylady.
Festival aiasynda barlyq kelýshiler arasynda el, qala tarihy týraly viktorinalyq oiyndar men baiqaýlar oinatylady: «Bul ne, ol qaida?» slaid-viktorinasy, «Ákem, anashym, men – eń keremet otbasy» atty jeke tapsyrmalary bar baiqaýlar: «Mýzei gúli qulpyrǵanda», «Shyǵys arýy», «Biz – mýzeisúier otbasymyz», «Bizdiń otbasymyzdyń erekshelikteri», «Meiramdar ártúrli bolady. Men bastaýyndamyn...», «Meni túsin».
Festivalda «By ART» (jet. A. Tiýleýbaeva) «Mataǵa jazý salý» perfomansyn ótkizedi. Oǵan «Meniń otbasym, meniń qalam – Almaty» kórmesiniń avtorlary: sýretshi-ustazdar qatysady.
Bul is-sharaǵa kelgen barlyq kelýshiler úshin, qólóner túrleri boiynsha Qazaqstannyń belgili qolóner sheberlerinen sheberlik sabaqtary ótedi. Mýzei qonaqtaryn sheberlik sabaqtarymen kishkentai sheberler tańqaldyrady: sheber Esaly Aibibi (6 jas), avtorlyq 45 qýyrshaqqa arnalǵan kiim usynatyn dizainer Mirgorodskii Artem (11 jas) - qyshtan sývenirler jasaý tásilin usynatyn sheberlik sabaǵy.
Festival aiasynda mýzei 2 aktsiia ótkizedi – «Otbasylyq jádigerdi mýzeige syila» jáne «Barlyǵy da otbasy men úige!». Bul aktsiiada ártúrli kompaniialardyń ónimderi usynylatyn bolady.
Is-sharaǵa kelgen barlyq mýzei qonaqtaryna búl kún – viktorinalyq oiyndar, kvester, alǵys hattar men diplomdar, estelik syilyqtary jáne de kóterińki kóńil-kúi syilaidy.
