جىل سايىن ءداستۇرلى تۇردە وتەتىن «وتباسىمەن مۋزەيگە!» فەستيۆالىنىڭ نەگىزگى ماقساتى – وتباسىنداعى رۋحاني، مادەني قۇندىلىقتاردى ساقتاۋ، جاس ۇرپاق تاربيەسىن قالىپتاستىرۋ جانە وتباسى ينستيتۋتىن نىعايتۋ بولىپ تابىلادى.
اتالمىش مەرەكەلىك شارا باعدارلاماسىندا: ۆيكتورينالىق سۇراقتار، بايقاۋلار، شەبەرلىك-ساعاتتار، مۋزەي ماماندارىنىڭ ەل تاريحى، مادەنيەتى تۋرالى تاقىرىپتىق ساباقتارى مەن ەكسكۋرسيالارى جۇرگىزىلەدى. «وتباسىمەن مۋزەيگە!» فەستيۆالىنە بالالار كلۋبى، شىعارماشىلىق اكادەميالار، ءبىلىم بەرۋ ورتالىقتارى، بەينەلەۋ ستۋديالارى، سۋرەتشىلەر، ساندىك-قولدانبالى ونەر شەبەرلەرى، مۋزىكالىق ۇجىمدار جانە ت.ب. بەلسەندى اتسالىسادى.
فەستيۆالدىڭ كونسەرتتىك باعدارلاماسىن ق ر حالىق ءارتىسى، كسرو كومپوزيتورلار وداعىنىڭ مۇشەسى مۇرات سەركەبايەۆتىڭ باسشىلىعىمەن، قازاقستانعا عانا ەمەس سونداي-اق، كورشى ەلدەرگە تانىمال «الماتى قالاسى اكىمىنىڭ كونسەرتتىك وركەسترى» اشادى. كونسەرتتە قازاقتىڭ ۇلى كومپوزيتورلارى – قۇرمانعازى، جاياۋ مۇسانىڭ اتاقتى كلاسسيكالىق تۋىندىلارى، وپەرا جانە بالەت تەاترى اۋەندەرىنىڭ ۇزىندىلەرى ورىندالدى.
بۇل كۇنى مۋزەيدە: «قازاقستاننىڭ فلورا جانە فاۋناسى» (مۋزەيدىڭ قور كوللەكسياسىنان)؛ «جاندانعان مۇرا» (مۋزەي قورىنداعى قايتا قالپىنا كەلتىرىلگەن ەكسپوناتتار)؛ «ورتالىق ازيا كەلبەتى» (سۋرەتشى گيۋزەل زاكيروۆانىڭ تۋىندىلارى) اتتى كورمەلەر بولادى.
وتباسىلىق ساتتەر مەن بالالاردىڭ شىعارماشىلىق قابىلەتتەرىن ارتتىرۋ ماقساتىندا مۋزەيدە 29 قىركۇيەك پەن 10 قازان ارالىعىندا «مەنىڭ وتباسىم، مەنىڭ الماتىم» اتتى كورمە جۇمىس ىستەيدى.
كورمەگە قالامىزدىڭ 19 بالالار بەينەلەۋ ستۋديالارى، شەبەرحانالار، بەينەلەۋ مەكتەپتەرى مەن ونەر مەكتەپتەرىنىڭ جۇمىستارى قويىلادى.
فەستيۆال اياسىندا بارلىق كەلۋشىلەر اراسىندا ەل، قالا تاريحى تۋرالى ۆيكتورينالىق ويىندار مەن بايقاۋلار ويناتىلادى: «بۇل نە، ول قايدا؟» سلايد-ۆيكتوريناسى، «اكەم، اناشىم، مەن – ەڭ كەرەمەت وتباسى» اتتى جەكە تاپسىرمالارى بار بايقاۋلار: «مۋزەي گ ۇلى قۇلپىرعاندا»، «شىعىس ارۋى»، «ءبىز – مۋزەيسۇيەر وتباسىمىز»، «ءبىزدىڭ وتباسىمىزدىڭ ەرەكشەلىكتەرى»، «مەيرامدار ءارتۇرلى بولادى. مەن باستاۋىندامىن...»، «مەنى ءتۇسىن».
فەستيۆالدا «By ART» (جەت. ا. تيۋلەۋبايەۆا) «ماتاعا جازۋ سالۋ» پەرفومانسىن وتكىزەدى. وعان «مەنىڭ وتباسىم، مەنىڭ قالام – الماتى» كورمەسىنىڭ اۆتورلارى: سۋرەتشى-ۇستازدار قاتىسادى.
بۇل ءىس-شاراعا كەلگەن بارلىق كەلۋشىلەر ءۇشىن، قولونەر تۇرلەرى بويىنشا قازاقستاننىڭ بەلگىلى قولونەر شەبەرلەرىنەن شەبەرلىك ساباقتارى وتەدى. مۋزەي قوناقتارىن شەبەرلىك ساباقتارىمەن كىشكەنتاي شەبەرلەر تاڭقالدىرادى: شەبەر ەسالى ءايبيبى (6 جاس)، اۆتورلىق 45 قۋىرشاققا ارنالعان كيىم ۇسىناتىن ديزاينەر ميرگورودسكيي ارتەم (11 جاس) - قىشتان سۋۆەنيرلەر جاساۋ ءتاسىلىن ۇسىناتىن شەبەرلىك ساباعى.
فەستيۆال اياسىندا مۋزەي 2 اكسيا وتكىزەدى – «وتباسىلىق جادىگەردى مۋزەيگە سىيلا» جانە «بارلىعى دا وتباسى مەن ۇيگە!». بۇل اكسيادا ءارتۇرلى كومپانيالاردىڭ ونىمدەرى ۇسىنىلاتىن بولادى.
ءىس-شاراعا كەلگەن بارلىق مۋزەي قوناقتارىنا ءبۇل كۇن – ۆيكتورينالىق ويىندار، كۆەستەر، العىس حاتتار مەن ديپلومدار، ەستەلىك سىيلىقتارى جانە دە كوتەرىڭكى كوڭىل-كۇي سىيلايدى.
