Eks-mınıstr Qýandyq Bıshimbaevtyń isi boıynsha sot otyrysy áli de jalǵasyp jatyr. Sot otyrysy barysynda basty aıyptalýshy retinde Bıshimbaev osy iske qatysty óz nusqasyn aıtty, - dep habarlaıdy Dalanews.kz.
Bıshimbaevtyń sózinshe, Saltanat Qazaqstanda tanymal otbasyly adammen kezdeskenin moıyndaǵan.
"Sol kúni keshke ol maǵan moıyndady. Men odan nege bulaı júıkesi syr berip júrgenin suradym. Odan túsindirip berýin suradym. Toıdan keıin 3-4 kún ótken edi. Ol meniń kabınetimde bir adamnyń sýreti turǵanyn aıtty. Sýrette men onymen birge (Núkenova aıtyp otyrǵan adammen birge - esk.) túskenmin. Ol bir kezderi sol kisiniń ashynasy bolǵanyn aıtty. Men onymen tanyspyn. Árıne, bul aqparat meni eseńgiretip tastady.
Odan 20 jastaı úlken, 4 balasy bar, Qazaqstanda kádimgideı tanymal adam. Tek esimin aıtaıyn, onyń esimi - Raıymbek.
Men renjidim, ol adamdy bilemin. Jumys boıynsha bir kezderi kezdeskenbiz. Ortaq tanysymyz da kóp. Bizde bir-birimizge bárin ashyq aıtatyn ýaqyt bolǵan kezde olaı istemegenine renjidim. Odan nege aıtpaǵanyn suradym. Ol "bul bizdiń qarym-qatynasymyzǵa áser etedi" dep qoryqqanyn jetkizdi", - dedi Bıshimbaev.
Sonymen qatar, buryn da sotty bolǵan eks-mınıstr ózge de adamdardyń esimderin atady. Onyń sózinshe, Saltanat otbasyly adamdarmen kezdesken.
27 naýryzda eks-mınıstr Qýandyq Bıshimbaevtyń isi boıynsha alqabıler tańdalǵan edi. Alqabıler alqasyna 12 adam irikteldi: 10 – negizgi quram, 2 – qosalqy. Sodan keıin ashyq sot otyrystary bastaldy.
Sonymen qatar, Qýandyq Bıshimbaev sotta Saltanat Núkenovany asa qatygezdikpen óltirgenin moıyndamady. Bul oqıǵa 2023 jyly 9 qarashada Astana qalasyndaǵy BAU meıramhanasynda boldy.
Al búgingi sot otyrysynda Qýandyq Bıshimbaev Saltanat Núkenovamen qalaı tanysqanyn da aıtty.
"Men ony Instagram-nan kórdim. Oǵan astrologıalyq boljamǵa barǵan qyz astrologtar týraly aıtty. Maǵan astrologıa qyzyq boldy. Odan kórsetýin suradym. Tanysym Instagram-nan tanymal astrolog dep kórsetti. Ádemi qyz ekenin kórdim, Instgram-yn qarap shyqtym. Onyń jigiti bar ekenin de kórdim. 2022 jyly mamyrdyń aıaǵy edi. Tanysym jigiti bar ekenin, úılengeli jatqanyn aıtty. ...Biraz ýaqyt syrttaı ǵana baqyladym. Bir joly onyń qabyldaýyna jazylǵym keldi. Biraq kómekshisi onlaın túrde de, tirileı de er adamdardy qabyldamaıtynyn aıtty.
Tamyzdyń aıaǵynda sol qyz (tanysy - esk.) toı bolmaıtynyn, (Saltanat - esk.) turmysqa shyqqaly jatqan jigitimen aırylysqanyn jetkizdi. Tanysýǵa múmkindik bar ekenin túsindim. Kamıla degen qyzdan astrologıalyq boljamǵa jazylýyn ótindim. Al áńgime barysynda "dosym bar, onyń da kelgisi keledi" dep aıtýyn ótindim. Maǵan tanysý, bir jaǵynan astrologıa týraly bilý qyzyq boldy. Kamıla Saltanattyń qabyldaýyna barǵan. Olar dostasyp ketken. Bir-birine qyzdarǵa qatysty oqıǵalaryn aıta bastaǵan. Saltanat jigitimen aırylysqanyn da aıtqan. Meniń dos qyzym "osyndaı adam bar, seni Instagram-da kórgen, tanysqysy keledi" degen. Kamılamen telefonmen sóılesip jatqanda, "óziń sóılesip kórgiń kele me, janymda otyr" dedi. Men telefon arqyly tanysyp, amandastym. Saltanat "siz kelgen kezde astrologıalyq boljam ótkize alamyn" dedi. Keıin Qazaqstanǵa keldim.
Saltanat uzaq ýaqyt astrologıalyq boljamdy ótkizgisi kelmedi. Sodan soń oǵan ashyǵyn jazdym. "Shynyn aıtsam, boljam qyzyq emes, siz maǵan qatty unap qaldyńyz, tanysyp kórgim keledi, keshki asqa shaqyrsam" dedim. Ol 1-2 kún jaýap bermedi. Úshinshi kúni "kezdese alamyz" dedi. 6 qyrkúıek bolýy kerek, biz kezdestik", - dedi Bıshimbaev.
