15 mamyr – Halyqaralyq otbasy kúnine orai Óskemende «Jumys oryndarynda otbasyǵa qolaily saiasatty nyǵaitý» atty halyqaralyq konferentsiia ótti. «Otbasy – ult bolashaǵy» uranymen ótken sharaǵa elimizdiń ár óńirinen memlekettik organdardyń ókilderi, halyqaralyq seriktester, iri kompaniialardyń HR-mamandary, kásipodaqtar men qoǵamdyq uiymdardyń ókilderi qatysty.
Konferentsiiada otbasynyń qoǵamdaǵy róli, onyń adamnyń eńbekke degen kózqarasy men jumys sapasyna áseri keńinen sóz boldy. Uiymdastyrýshylardyń aitýynsha, otbasy institýtyn qoldaý arqyly eńbek ónimdiligin arttyryp, el ekonomikasynyń turaqtylyǵyna úles qosýǵa bolady.
– Bul konferentsiianyń basty maqsaty – otbasy qundylyqtaryn eńbek ujymdary arqyly dáripteý. Ár adam – eńbekke qabiletti azamat. Al onyń otbasyndaǵy jaǵdaiy tikelei jumysqa degen yntasyna áser etedi. Sol sebepti de otbasylyq saiasatty jumys oryndarymen bailanystyra otyryp damytý – óte ózekti qadam, – dedi Ulttyq komissiia múshesi Bibigúl Aǵybaeva.
Onyń aitýynsha, otbasy taqyryby ásirese biylǵy «Jumysshy mamandyqtar jyly» aiasynda erekshe mańyzǵa ie bolyp otyr.
– Qazir qoǵamda otbasylar ajyrasyp ketip jatqan jaǵdailar jii kezdesedi. Munyń artynda tereń áleýmettik sebepter bar. Bul máselege beijai qaramai, aldyn alýǵa baǵyttalǵan naqty sharalardy qolǵa alýymyz kerek. Bastysy – mundai mańyzdy máselelerdiń ashyq talqylanyp jatqany qýantady, – dedi ol.
Konferentsiiada sondai-aq eńbek áýletterin saqtaý, jumys ornynda moraldyq-psihologiialyq qolaily orta qalyptastyrý, otbasy jaǵdaiyn eskeretin tsifrlyq qyzmetker kartasyn engizý sekildi usynystar da aityldy.
– Buryn biz korporativti mádeniette otbasyny bólek faktor retinde qarastyrmaitynbyz. Biraq ýaqyt óte kele, adamnyń jeke ómiri men jumysy – bir-birimen tyǵyz bailanysty ekenin túsine bastadyq. Búginde qyzmetkerdiń otbasylyq jaǵdaiy onyń jumysqa qabiletin anyqtaityn negizgi faktorlardyń biri bolyp otyr, – dedi AITAS Agro kompaniiasynyń strategiia jáne marketing jónindegi direktory Áliia Svanova.
Jiyn sońynda memlekettik organdar men jumys berýshilerge arnalǵan usynystar engizilgen arnaiy rezoliýtsiia qabyldandy. Uiymdastyrýshylardyń aitýynsha, bul qujat aldaǵy ýaqytta naqty isterge negiz bolady.
– Otbasy – memlekettiń tiregi. Sondyqtan ony qoldaý – bárimizdiń ortaq mindetimiz. Jumys oryndary osy baǵytta úles qossa, qoǵam áldeqaida úilesimdi ári turaqty bolady, – dep túiindedi qatysýshylar.
