2025 jyldyń 2 shildesinen bastap "Otbasy bank" AQ-nyń turǵyn úi qurylys jinaqtary júiesi sheńberinde rásimdelgen aldyn ala jáne aralyq turǵyn úi zaemdaryn merziminen buryn tolyq óteý tártibine engizilgen túzetýler óz kúshine mindi, dep habarlaidy Dalanews.kz.
Endi joǵaryda kórsetilgen qaryzdar tolyq merziminen buryn ótelgen jaǵdaida:
- qaryzǵa bailanǵan depozittegi jinaqtar avtomatty túrde negizgi borysh qaldyǵyn óteý esebine jiberiletin bolady;
- mindetti túrde turǵyn úi qurylysy jinaqtary týraly shart buzylady;
- jańa zaem resimdeý úshin jańa depozit ashý ne buryn berilgen qaryzǵa bailanbaǵan ózge qoldanystaǵy depozitti paidalaný qajet bolady.
"Jańashyldyq uzaq merzimdi jinaqtardy kótermeleýge jáne turǵyn úi nesielerin berý úshin turaqty qarjy qoryn qalyptastyrýǵa negizdelgen", delingen bank habarlamasynda.
Turǵyn úi qurylys jinaqtary júiesi ózara qoldaý qaǵidaty boiynsha jumys isteidi: keibir salymshylardyń jarnalary esebinen basqalary qoljetimdi zaem rásimdeýge múmkindik alady – jyldyq 3,5%-dan (JTSM 3,6%-dan 4,4%-ǵa deiin) jyldyq 8,5%-ǵa deiin (JTSM 9%-dan 9,6%-ǵa deiin). Iaǵni, keibir salymshylar jinaq jasap jatqanda, basqalary sonyń arqasynda eń tómengi mólsherlemeler boiynsha qaryz ala alady. Jańa salymdardyń turaqty aǵyny qarajatty bólýdiń turaqtylyǵyn, ádildigin qamtamasyz etedi jáne azamattardyń keń aýqymy úshin turǵyn úi qaryzdarynyń qoljetimdiligin keńeitedi.
Aita ketsek, QR Úkimeti Otbasy bankin 2027 jylǵa deiin ishinara IPO-ǵa shyǵarýdy josparlap otyr. Otbasy banki otandyq ekinshi deńgeidegi bankter arasynda aktivter men menshikti kapitaly boiynsha tórtinshi orynda tur.
