"Jaiyq jastaryna" meditsinalyq qyzmetkerler, muǵalimder, memlekettik qalalyq jáne respýblikalyq mádeni uiymdardyń beiindi qyzmetkerleri, sportshylar men jattyqtyrýshy – oqytýshylar, kommýnaldyq kásiporyndardyń qyzmetkerleri, memlekettik qyzmetshiler, JAO qyzmetkerleri qatysa alady.
Qatysýshylardyń jasy – 21 jastan 35 jasqa deiin (qosa alǵanda).
Baǵdarlamaǵa qatysýshylar men olardyń otbasy músheleriniń Oral qalasynda turaqty tirkeýi bolýy tiis.
Kredit boiynsha mólsherleme – jyldyq 5% (JTSM 5,2%). Qaryzdyń eń joǵary somasy – 15 mln teńge. Bastapqy jarna - keminde 10%. Qaryz 19 jylǵa deiingi merzimge beriledi.
Baǵdarlama aiasynda turǵyn úidi alǵashqy jáne ekinshi naryqtardan satyp alýǵa bolady. Sondai-aq, nysanda "Qazaqstandyq turǵyn úi kompaniiasy" AQ kepildigi bolǵan jaǵdaida, paidalanýǵa berilgen nemese salynyp jatqan úiden páter satyp alýǵa bolady.
Ótinimderdi qabyldaýdy jáne áleýetti qatysýshylardy irikteýdi BQO Qoǵamdyq damý basqarmasy kelesi mekenjai boiynsha júrgizedi: Oral qalasy, N.Nazarbaev dańǵyly, 188 (BQO jastarmen jumys jónindegi resýrstyq ortalyq ǵimaraty). Ótinimderdi qabyldaý 2024 jyldyń 18 qańtarynda saǵat 10.00 bastalady.
Jeńildetilgen nesieleýge úmitkerler pýlyna kóp upai jinaǵan úmitkerler ótedi. Upailarǵa nekedegi jyldar sany, balalardyń bolýy, jumys ótili, kásibi, áleýmettik osal sanattarǵa jatýy jáne t. b. áser etedi.
Qatysýshylardyń tizimi qalyptasqan kezde olardyń barlyǵy Otbasy bankine kredit alýǵa joldama alady. Onda tólem qabilettiligi tekserilgen baǵdarlamaǵa qatysýshylaryna zaem beriledi.
Anyqtama: 2017 jyldan bastap Otbasy bankinde elimiz boiynsha Respýblikalyq mańyzy bar 2 qalada (Astana, Almaty qalalarynda) jáne 13 oblysta (Abai oblysy, Aqtóbe oblysy, Almaty oblysy, Atyraý oblysy, Jambyl oblysy, Jetisý oblysy, Batys Qazaqstan oblysy, Qaraǵandy oblysy, Ulytaý oblysy, Qostanai oblysy, Qyzylorda oblysy, Mańǵystaý oblysy, Pavlodar oblysy) - 21 jastar baǵdarlamasy jumys istep tur. Búgingi tańda óńirlik ákimdikter men Otbasy bankiniń jastardy nesielendirýdegi jalpy biýdjeti 98 mlrd teńgeden asady. Sonyń arqasynda 5500-den astam jas qazaqstandyqtar qonys toiyn atap ótti. 2024 jyly Qazaqstanda jastardyń turǵyn úi baǵdarlamalaryn iske asyrý jalǵasady. Olardyń biýdjeti shamamen 50 mlrd teńgeni quraidy dep kútilýde.
