Búgin Óskemende "Qazmyrysh" zaýyty aýmaǵynda jarylys bolyp, keiin órt shyqty, dep habarlaidy dalanews.kz.
TJM kúshterimen órt 120 sharshy metr aýmaqta tolyq sóndirilgen. Sondai-aq, tseh qurylymdary 220 sharshy metr aýmaqta opyrylǵan.
"Oqiǵa saldarynan 7 adam zardap shekti: 2-eýi qaza taýyp, 2-eýi aýrýhanaǵa jatqyzyldy, 3 adam úiine jiberildi. Oqiǵa ornynda jedel shtab quryldy. Apat saldaryn joiýǵa shamamen 80 adam, 18 tehnika, ushqyshsyz ushý apparaty, kinologiialyq eseptoptar jáne Apattar meditsinasy ortalyǵynyń dárigerleri jumyldyryldy", - dep jazylǵan habarlamada.
Qazir úiindilerdi arshý jumystary jalǵasyp jatyr. TJD-da jedel jeli telefony jumys istep tur: 8 (7232) 55-38-19.
Aita keteiik, buǵan deiin TJM zaýyttardyń biriniń aýmaǵynda shań jinaý qondyrǵysynda jarylys bolyp, arty órtke ulasqanyn, keibir jerler ishinara opyrylǵanyn málimdedi.
