Óskemen qalasyndaǵy "Vostok" stadıonynyń fýtbol alańy Qazaqstan Fýtbol federasıasynyń "Alań" jobasy aıasynda jańartyldy. Stadıon qurylysynyń maqsaty - buqaralyq fýtboldy damytý, dep habarlaıdy Dalanews.kz Altaynews- ke silteme jasap.
"Jańartylǵan alańǵa ıtalıalyq SAFITEX kompanıasynyń zamanaýı gazony salyndy. Bul álemdik standarttaǵy sapaly gazon oıynshylarǵa jaılylyqty qamtamasyz etedi. Jobanyń qurylysyna biz 176 159 817 teńge jumsalyq," - dep atap ótti Qazaqstan fýtbol federasıasy "Alań" jobasynyń menejeri Nursultan Elamanov.
Jańa fýtbol "Alańnyń" ashylýyna Óskemendik fýtbolsúıer qaýym jınaldy.
"Búgin biz osyndaı tamasha syılyqty qabyldap alyp jatyrmyz. Bul bizdiń buqaralyq sportty damytýǵa qosylǵan eleýli qoldaý. Osyndaı álemdik deńgeıdegi alańda daıyndalatyn jas sportshylarymyzdyń bolashaǵynan úlken úmit kútemiz, zor jeńister tileımiz,"-dedi SHQO ákiminiń orynbasary Erbol Nurǵalıev.
Jańartylǵan alań jas fýtbolshylardyń jattyǵýlary men is-sharalardy ótkizý úshin jańa múmkindikter ashady.
