وسكەمەن قالاسىنداعى "ۆوستوك" ستاديونىنىڭ فۋتبول الاڭى قازاقستان فۋتبول فەدەراسياسىنىڭ "الاڭ" جوباسى اياسىندا جاڭارتىلدى. ستاديون قۇرىلىسىنىڭ ماقساتى - بۇقارالىق فۋتبولدى دامىتۋ، دەپ حابارلايدى Dalanews.kz Altaynews- كە سىلتەمە جاساپ.
"جاڭارتىلعان الاڭعا يتاليالىق SAFITEX كومپانياسىنىڭ زاماناۋي گازونى سالىندى. بۇل الەمدىك ستاندارتتاعى ساپالى گازون ويىنشىلارعا جايلىلىقتى قامتاماسىز ەتەدى. جوبانىڭ قۇرىلىسىنا ءبىز 176 159 817 تەڭگە جۇمسالىق،" - دەپ اتاپ ءوتتى قازاقستان فۋتبول فەدەراسياسى "الاڭ" جوباسىنىڭ مەنەدجەرى نۇرسۇلتان ەلامانوۆ.
جاڭا فۋتبول "الاڭنىڭ" اشىلۋىنا وسكەمەندىك فۋتبولسۇيەر قاۋىم جينالدى.
"بۇگىن ءبىز وسىنداي تاماشا سىيلىقتى قابىلداپ الىپ جاتىرمىز. بۇل ءبىزدىڭ بۇقارالىق سپورتتى دامىتۋعا قوسىلعان ەلەۋلى قولداۋ. وسىنداي الەمدىك دەڭگەيدەگى الاڭدا دايىندالاتىن جاس سپورتشىلارىمىزدىڭ بولاشاعىنان ۇلكەن ءۇمىت كۇتەمىز، زور جەڭىستەر تىلەيمىز،"-دەدى شقو اكىمىنىڭ ورىنباسارى ەربول نۇرعالييەۆ.
جاڭارتىلعان الاڭ جاس فۋتبولشىلاردىڭ جاتتىعۋلارى مەن ءىس-شارالاردى وتكىزۋ ءۇشىن جاڭا مۇمكىندىكتەر اشادى.
