Óskemende jol erejesin buzǵan toi korteji toqtatyldy, dep habarlaidy dalanews.kz.
Sátbaev dańǵylynda politsiia qyzmetkerleri jol qozǵalysy erejesin buzǵan toi kortejin anyqtaǵan. Beinejazbada kortej quramyndaǵy kólikterdiń birinde jolaýshylar qozǵalys kezinde terezeden basy men denesin shyǵarǵany kórinedi. Mundai áreket jolaýshylardyń ózderine ǵana emes, joldaǵy basqa da adamdarǵa qaýip tóndiredi.
Sonymen qatar, kólikterdiń biriniń júrgizýshisi qaýipsizdik beldigin taqpai, kólik basqarǵan.
"Anyqtalǵan quqyqbuzýshylyqtar boiynsha tiisti sharalar qabyldandy. Bes adam QR ÁQBtK-niń 593-baby 1-bóligi boiynsha, taǵy bir júrgizýshi osy baptyń 2-bóligi boiynsha ákimshilik jaýapkershilikke tartyldy", - dedi politsiia.
