Teri obyry men melanomaǵa qarsy aqparattyq apta aıasynda Óskemen qalasyndaǵy SHQO kópsalaly onkologıa jáne hırýrgıa ortalyǵynda, sondaı-aq oblystaǵy barlyq bastapqy medısınalyq-sanıtarlyq kómek mekemelerinde Ashyq esik kúni ótedi, dep habarlaıdy Dalanews.kz
Kez kelgen adam onkolog-dárigerler men dermatologtardan tegin keńes, teri qaterli isigin aldyn alý, ózin-ózi tekserý jáne erte anyqtaý joldary týraly aqparat ala alady.
QR Onkologıa jáne radıologıa ǵylymı-zertteý ınstıtýtynyń derekteri boıynsha, 2023 jyly Qazaqstanda 3500-den astam teri qaterli isigi jáne shamamen 300 melanoma jaǵdaıy tirkelgen. Aýrýshańdyq jyl saıyn ósýde, ásirese 55 jastan asqan áıelder arasynda.
Teri qaterli isigi — erte anyqtalǵan jaǵdaıda emdeletin onkologıalyq aýrýlardyń biri. Sondyqtan óz densaýlyǵyńyzǵa muqıat qarap, teri kúıin turaqty baqylaý mańyzdy.
Aldyn alý sharalary:
- últrakúlgin sáýleden qorǵaný (kıim, SPF kremi, solárııden bas tartý);
- aı saıynǵy terini ózin-ózi tekserý;
- jyl saıyn dermatologqa qaralý (ásirese 50 jastan keıin).
