تەرٸ وبىرى مەن مەلانوماعا قارسى اقپاراتتىق اپتا اياسىندا ٶسكەمەن قالاسىنداعى شقو كٶپسالالى ونكولوگييا جەنە حيرۋرگييا ورتالىعىندا, سونداي-اق وبلىستاعى بارلىق باستاپقى مەديتسينالىق-سانيتارلىق كٶمەك مەكەمەلەرٸندە اشىق ەسٸك كٷنٸ ٶتەدٸ, دەپ حابارلايدى Dalanews.kz
كەز كەلگەن ادام ونكولوگ-دەرٸگەرلەر مەن دەرماتولوگتاردان تەگٸن كەڭەس, تەرٸ قاتەرلٸ ٸسٸگٸن الدىن الۋ, ٶزٸن-ٶزٸ تەكسەرۋ جەنە ەرتە انىقتاۋ جولدارى تۋرالى اقپارات الا الادى.
قر ونكولوگييا جەنە راديولوگييا عىلىمي-زەرتتەۋ ينستيتۋتىنىڭ دەرەكتەرٸ بويىنشا, 2023 جىلى قازاقستاندا 3500-دەن استام تەرٸ قاتەرلٸ ٸسٸگٸ جەنە شامامەن 300 مەلانوما جاعدايى تٸركەلگەن. اۋرۋشاڭدىق جىل سايىن ٶسۋدە, ەسٸرەسە 55 جاستان اسقان ەيەلدەر اراسىندا.
تەرٸ قاتەرلٸ ٸسٸگٸ — ەرتە انىقتالعان جاعدايدا ەمدەلەتٸن ونكولوگييالىق اۋرۋلاردىڭ بٸرٸ. سوندىقتان ٶز دەنساۋلىعىڭىزعا مۇقييات قاراپ, تەرٸ كٷيٸن تۇراقتى باقىلاۋ ماڭىزدى.
الدىن الۋ شارالارى:
- ۋلتراكٷلگٸن سەۋلەدەن قورعانۋ (كيٸم, SPF كرەمٸ, سوليارييدەن باس تارتۋ);
- اي سايىنعى تەرٸنٸ ٶزٸن-ٶزٸ تەكسەرۋ;
- جىل سايىن دەرماتولوگقا قارالۋ (ەسٸرەسە 50 جاستان كەيٸن).
