Óskemen qalalyq Polısıa basqarmasy basshysynyń birinshi orynbasary Jandarbek Ahmetjanovtyń aıtýynsha, bul joly qalanyń shyǵa beristerine eshqandaı blokposttar qoıylmaıdy, degenmen qala ishi jáne saıajaılar aýmaǵy qatań patrúldik baqylaýǵa alynbaq.
- Óskemendikter ádettegideı jup jáne taq kúnder kartochkalary boıynsha kóshege shyǵa alady. Kartochkalar men arnaıy ruqsatnamalardy qaıta alýdyń qajeti joq, barlyǵy bazada tur, - dedi qalalyq polısıa basshylyǵy.
Azyq-túlik satatyn dúkender 8-00 men 20-00 aralyǵynda jumys isteıdi. Azyq-túlik satpaıtyn saýda nysandarynyń jumysy keshki 17-00 ge deıin shekteledi. Parkterdiń barlyǵy jabylady.
Túngi 22-00, tańǵy 5-00 aralyǵynda jaıaý adam men avtomobıl qozǵalysyna tolyqtaı tyıym salynady.
Al óndiristik kásiporyndar men tehnıkalyq qyzmet kórsetý oryndary óz jumystaryn toqtaýsyz jalǵastyra bermek.
