وسكەمەن قالالىق پوليسيا باسقارماسى باسشىسىنىڭ ءبىرىنشى ورىنباسارى جانداربەك احمەتجانوۆتىڭ ايتۋىنشا، بۇل جولى قالانىڭ شىعا بەرىستەرىنە ەشقانداي بلوكپوستتار قويىلمايدى، دەگەنمەن قالا ءىشى جانە ساياجايلار اۋماعى قاتاڭ پاترۋلدىك باقىلاۋعا الىنباق.
- وسكەمەندىكتەر ادەتتەگىدەي جۇپ جانە تاق كۇندەر كارتوچكالارى بويىنشا كوشەگە شىعا الادى. كارتوچكالار مەن ارنايى رۇقساتنامالاردى قايتا الۋدىڭ قاجەتى جوق، بارلىعى بازادا تۇر، - دەدى قالالىق پوليسيا باسشىلىعى.
ازىق-تۇلىك ساتاتىن دۇكەندەر 8-00 مەن 20-00 ارالىعىندا جۇمىس ىستەيدى. ازىق-تۇلىك ساتپايتىن ساۋدا نىساندارىنىڭ جۇمىسى كەشكى 17-00 گە دەيىن شەكتەلەدى. پاركتەردىڭ بارلىعى جابىلادى.
تۇنگى 22-00، تاڭعى 5-00 ارالىعىندا جاياۋ ادام مەن اۆتوموبيل قوزعالىسىنا تولىقتاي تىيىم سالىنادى.
ال وندىرىستىك كاسىپورىندار مەن تەحنيكالىق قىزمەت كورسەتۋ ورىندارى ءوز جۇمىستارىن توقتاۋسىز جالعاستىرا بەرمەك.
