Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Óskemende robottyń kómegimen elimiz boiynsha alǵash ret ota jasalyndy

Dalanews
Óskemende robottyń kómegimen elimiz boiynsha alǵash ret ota jasalyndy
Óskemende elimiz boiynsha alǵash ret robottandyrylǵan ota jasalyndy. Shyǵys Qazaqstan oblysyndaǵy zamanaýi tehnologiiamen jabdyqtalǵan robottandyrylǵan hirýrgiia jáne transplantatsiia ortalyǵynda jasalǵan ota Italiiadan arnaiy kelgen professor, «TrancEnterix» firmasynyń hirýrgi Stefano Djidaronyń basqarýymen júrgizilgen.

Stefano Djidaro sońǵy úlgidegi robottandyrylǵan ota jasaý júiesin ázirlep, ony Italiianyń aýrýhanalarynda engizý úshin segiz jyl boiyna eńbektenipti. Sońǵy eki jylda ol Eýropa men Aziiadan kelgen mamandarǵa airyqsha tehnikamen jumys isteýdiń tásilin úiretýmen bolypty.

Qazirgi ýaqytta Stefano Djidaro Óskemendegi №1 qalalyq aýrýhananyń mamandaryn daiyndaýda. Dálirek aitsaq, atalǵan mekemeniń 4 mamany 2017 jyly Milan qalasynda eki aptalyq oqytýdan ótken bolatyn. Búgin Óskemendegi №1 qalalyq aýrýhanada robottandyrylǵan tehnologiianyń kómegi arqyly italiiandyq maman Stefano Djidaronyń basshylyǵymen ót jolyna jasalǵan elimizdegi tuńǵysh operatsiia sátti ótti.

 

Robottandyrylǵan tehnikany qoldaný, zaqymdanýdy yqshamdap, operatsiiany sapaly jasaýǵa jáne operatsiiadan keiingi kezeńdi jeńildýge múmkindik beredi.

Sondyqtan, búgin ota jasalǵan azamatsha 3-4 kún ishinde aýrýhanadan shyǵyp, úiine qaitaraylady dep kútilýde.

Sonymen qatar, italiiandyq dárigerdiń basshylyǵymen arnaiy oqýdan ótken №1 qalalyq aýrýhananyń hirýrg mamandary bir apta kóleminde ártúrli operatsiialar jasap, biliktilikterin shyńdaityn bolady. Aitalyq, dáriger Stefano, aldaǵy ýaqytta hirýrg mamandarmen birge ginekologiia salasynda birqatar operatsiialardy júrgizbekshi. Osy rette italiiandyq maman Óskemendegi №1 qalalyq aýrýhananyń mamandary men operatsiia jasaityn oryndarynyń daiyndyǵyn óte joǵary baǵalaǵanyn aita ketken jón.

– Mundai operatsiiany jasaýǵa kómektesken qazaqstandyq áriptesterime, medbikeler men hirýrgtarǵa airyqsha alǵys aitamyn. Operatsiialyq zaldardyń daiyndyq sapasy meni tańqaldyrdy. Osyndai bilikti mamandar shoǵyrlanǵan jáne infraqurylymy damyǵan emdeý mekemeleri bizdiń sátti jumys isteýge jáne bolashaqqa josparlar qurýǵa múmkindik beredi, – dedi Stefano Djidaro.

Óz kezeginde oblys ákimi Danial Ahmetov sheteldik mamandardy tartý meditsina salasyndaǵy qyzmet kórsetý sapasyn arttyratynyn atap ótti.

 

– Jurtty durys emdeýdiń qajettigi týraly toqtaýsyz aityp, kúni boiy talqylai berýge bolady... Alaida, biz dál osylai birlesip jumys isteý arqyly ǵana zor jetistikke qol jetkize alamyz. Jýyq arada biz budan da kóp mamandardy oqytatyn bolamyz. Oblys turǵyndarynyń osyndai joǵary meditsinalyq tehnologiialarǵa qol jetkizip jatqany árine meni airyqsha qýantady, – dep túiindedi sózin Danial Ahmetov.
Madina Sádýaqasova

Oqi otyryńyz