Óskemende «Qaýipsiz qala» aktsiiasy aiasynda Amanat partiiasynyń janyndaǵy «Jastar Rýhy» jastar qanatynyń ShQO filialynyń belsendileri ShQO Politsiia departamenti qyzmetkerlerimen birge qalanyń oiyn-saýyq oryndaryna reid júrgizdi,- dep habarlaidy Dalanews.kz
Kámeletke tolmaǵan jasóspirimder túngi ýaqytta zańdy ókilderinsiz mundai mekemelerde bolmaýǵa tiis, sondai-aq kalian ónimderin tutynýǵa tyiym salynǵan.
"Ár adamnyń bolashaq urpaq aldyndaǵy jaýapkershiligi bar. Jastarǵa zań talaptaryn saqtaý qajettigin eske salyp, neniń durys, neniń burys ekenin túsindirip otyrý mańyzdy", – dedi oblystyq máslihat depýtaty Zoia Novolodskaia.
Aktsiia aiasynda tekserilgen mekemelerdiń kelýshileri de, qyzmetkerleri de belsendilerdiń jumysyna túsinistikpen qarady, eshqandai agressiia nemese teris reaktsiia baiqalǵan joq. Politsiia ókilderi óz kezeginde mekeme qyzmetkerleri men qonaqtaryna kalian ónimderin satý jáne paidalaný, sondai-aq kámeletke tolmaǵandardyń túngi ýaqytta oiyn-saýyq oryndarynda bolýyna qatysty zańnamalyq talaptardy túsindirip, profilaktikalyq áńgime júrgizdi.
"Qazaqstan Respýblikasynyń ishki ister ministri 2025 jyldy zań men tártipti saqtaýdyń aldyn alý jyly dep jariialady. Búgin biz Amanat partiiasy ókilderimen jáne oblystyq depýtattarmen birlesip, qaladaǵy oiyn-saýyq oryndarynda profilaktikalyq is-sharalar júrgizý úshin 60-tan astam qyzmetkerimizdi jumyldyrdyq", – dedi Óskemen qalalyq PB jergilikti politsiia qyzmeti bóliminiń bastyǵy, politsiia podpolkovnigi Darhan Bulanov.
Osyndai aktsiialar – azamattardyń qaýipsizdigin qamtamasyz etý jáne qolaily orta qalyptastyrý baǵytyndaǵy mańyzdy sharalardyń biri.
