Oblys ortalyǵyndaǵy “Oskemen IT-hub” bazasynda "Flood Challenge" atty Hakaton ótti.
Hab jetekshisiniń aıtýynsha, sharanyń negizgi maqsaty - Tótenshe jaǵdaılarǵa den qoıý jáne sý tasqynynan keletin zalaldy barynsha azaıtý maqsatnyda Shyǵys Qazaqstan oblysynda sý tasqyny jaǵdaılaryn boljaý boıynsha ınovasıalyq sheshimderdi ázirleý, dep habarlaıdy Dalanews.kz.
Bul hakatonnyń fınalyna múdirmeı 3 qatysýshy jetken. Ekeýi Shyǵystyń jas ónertapqyshtary bolsa, bireýi Qyrǵyzstan memleketinen qatysqan.
- Búgingi hakatonda tek Shyǵysta ǵana emes, respýblıka boıynsha ózekti bolyp otyrǵan sý tasqyny máselesin sheshýge arnadyq. Tótenshe jaǵdaıdyń aldyn alýǵa ónertapqyshtar 3 apta óz jobalaryn ázirlep, bizge usyndy. Búgin fınalǵa ótken 3 joba ekspertterge usynylyp otyr, - dedi “Oskemen Hub” jetekshisi Dıdar Muratuly.
Úzdik dep tanylǵan jobanyń ıesine bas demeýshi “Robosoft” kompanıasynyń atynan syıaqy tabystaldy. Sondaı-aq joba ıesi endi atalmysh kompanıada úsh aı boıy jumys istep, tájirıbe jınaqtaı alady.
