وبلىس ورتالىعىنداعى “Oskemen IT-hub” بازاسىندا "Flood Challenge" اتتى حاكاتون ءوتتى.
حاب جەتەكشىسىنىڭ ايتۋىنشا، شارانىڭ نەگىزگى ماقساتى - توتەنشە جاعدايلارعا دەن قويۋ جانە سۋ تاسقىنىنان كەلەتىن زالالدى بارىنشا ازايتۋ ماقساتنىدا شىعىس قازاقستان وبلىسىندا سۋ تاسقىنى جاعدايلارىن بولجاۋ بويىنشا يننوۆاسيالىق شەشىمدەردى ازىرلەۋ، دەپ حابارلايدى Dalanews.kz.
بۇل حاكاتوننىڭ فينالىنا مۇدىرمەي 3 قاتىسۋشى جەتكەن. ەكەۋى شىعىستىڭ جاس ونەرتاپقىشتارى بولسا، بىرەۋى قىرعىزستان مەملەكەتىنەن قاتىسقان.
- بۇگىنگى حاكاتوندا تەك شىعىستا عانا ەمەس، رەسپۋبليكا بويىنشا وزەكتى بولىپ وتىرعان سۋ تاسقىنى ماسەلەسىن شەشۋگە ارنادىق. توتەنشە جاعدايدىڭ الدىن الۋعا ونەرتاپقىشتار 3 اپتا ءوز جوبالارىن ازىرلەپ، بىزگە ۇسىندى. بۇگىن فينالعا وتكەن 3 جوبا ەكسپەرتتەرگە ۇسىنىلىپ وتىر، - دەدى “Oskemen Hub” جەتەكشىسى ديدار مۇرات ۇلى.
ۇزدىك دەپ تانىلعان جوبانىڭ يەسىنە باس دەمەۋشى “Robosoft” كومپانياسىنىڭ اتىنان سىياقى تابىستالدى. سونداي-اق جوبا يەسى ەندى اتالمىش كومپانيادا ءۇش اي بويى جۇمىس ىستەپ، تاجىريبە جيناقتاي الادى.
