Óskemende daýyldyń saldaryn joiý jumystary jalǵasyp jatyr. Qalada 300-ge jýyq abonent áli kúnge deiin elektr jaryǵyna qosylmaǵan, dep habarlaidy dalanews.kz.
Eske salaiyq, 5 tamyz kúni Óskemende qatty jel soǵyp, nóser jańbyr men iri burshaq jaýǵan. Tabiǵat qubylysy saldarynan aǵashtar qulap, elektr jelileri zaqymdanǵan. Qalanyń birqatar kóshesin sý basqan.
Basylymnyń málimetinshe, 6 tamyz keshindegi jaǵdai boiynsha Shyǵys Qazaqstan oblysynda 1300-den az abonent elektr jaryǵynsyz qalǵan. Qalpyna keltirý jumystary kúsheitilgen rejimde jalǵasyp jatyr.
Sondai-aq birneshe baý-baqsha seriktestiginiń turǵyndary bir táýlikten astam ýaqyt jaryqsyz otyrǵan.
«Óskemen boiynsha ázirge 300 abonent elektr jelisine qosylmaǵan. Jumystar kúsheitilgen rejimde júrgizilýde», – dep habarlady «ShQ AEK» AQ baspasóz qyzmeti.
