Óskemen garnizonyndaǵy áskeri bólimderdiń birinen qyzmet ornyn óz betinshe tastap ketken merzimdi áskeri qyzmetshi tabyldy, dep habarlaidy dalanews.kz.
QR Qarýly Kúshteri Áskeri politsiiasy bas basqarmasynyń málimetinshe, qatardaǵy jaýynger A.E. Marhan áskeri politsiia qyzmetkerleriniń kúshimen oblys ortalyǵynan shamamen 20 shaqyrym jerde ustalyp, áskeri politsiia bólimine jetkizilgen.
Vedomstvo sarbazdyń ómiri men densaýlyǵyna eshqandai qaýip joq ekenin málimdedi.
Oqiǵaǵa bailanysty qyzmettik tekserý bastalyp, onyń sebepteri men mán-jaiy anyqtalyp jatyr. Aldyn ala málimet boiynsha, sarbaz úiin saǵynýyna bailanysty qyzmet ornyn óz betinshe tastap ketken.
Sondai-aq tekserý barysynda áskeri qyzmetshige qatysty komandirler nemese birge qyzmet atqaratyn áskeri qyzmetshiler tarapynan jarǵyǵa qaishy qarym-qatynas jasaý nemese laýazymdyq ókilettikterdi asyra paidalaný faktileri anyqtalmaǵany habarlandy.
Eske salaiyq, 27 shildede Óskemende merzimdi áskeri qyzmetshige izdeý jariialanǵan bolatyn.
