ٶسكەمەن گارنيزونىنداعى ەسكەري بٶلٸمدەردٸڭ بٸرٸنەن قىزمەت ورنىن ٶز بەتٸنشە تاستاپ كەتكەن مەرزٸمدٸ ەسكەري قىزمەتشٸ تابىلدى, دەپ حابارلايدى dalanews.kz.
قر قارۋلى كٷشتەرٸ ەسكەري پوليتسيياسى باس باسقارماسىنىڭ مەلٸمەتٸنشە, قاتارداعى جاۋىنگەر ا.ە. مارحان ەسكەري پوليتسييا قىزمەتكەرلەرٸنٸڭ كٷشٸمەن وبلىس ورتالىعىنان شامامەن 20 شاقىرىم جەردە ۇستالىپ, ەسكەري پوليتسييا بٶلٸمٸنە جەتكٸزٸلگەن.
ۆەدومستۆو ساربازدىڭ ٶمٸرٸ مەن دەنساۋلىعىنا ەشقانداي قاۋٸپ جوق ەكەنٸن مەلٸمدەدٸ.
وقيعاعا بايلانىستى قىزمەتتٸك تەكسەرۋ باستالىپ, ونىڭ سەبەپتەرٸ مەن مەن-جايى انىقتالىپ جاتىر. الدىن الا مەلٸمەت بويىنشا, سارباز ٷيٸن ساعىنۋىنا بايلانىستى قىزمەت ورنىن ٶز بەتٸنشە تاستاپ كەتكەن.
سونداي-اق تەكسەرۋ بارىسىندا ەسكەري قىزمەتشٸگە قاتىستى كومانديرلەر نەمەسە بٸرگە قىزمەت اتقاراتىن ەسكەري قىزمەتشٸلەر تاراپىنان جارعىعا قايشى قارىم-قاتىناس جاساۋ نەمەسە لاۋازىمدىق ٶكٸلەتتٸكتەردٸ اسىرا پايدالانۋ فاكتٸلەرٸ انىقتالماعانى حابارلاندى.
ەسكە سالايىق, 27 شٸلدەدە ٶسكەمەندە مەرزٸمدٸ ەسكەري قىزمەتشٸگە ٸزدەۋ جارييالانعان بولاتىن.
