Óskemen qalasynda «SHQO memlekettik-jekeshelik áriptestik óńirlik ortalyǵy» AQ-nyń burynǵy basshysy Batyrbaev jáne basqa da tulǵalarǵa qatysty búdjet qarajatyn jymqyrý, kásipkerlik qyzmetke zańsyz qatysý jáne qylmystyq jolmen alynǵan kiristerdi zańdastyrý faktileri boıynsha aıyptaý úkimi shyǵaryldy, dep habarlaıdy Dalanews.kz.

2019 jyly Óskemen jáne Semeı qalalaryndaǵy kóshe jaryǵy júıelerin jańǵyrtýdy kózdeıtin joba iske qosylǵan. Joba aıasynda elektr energıasyn edáýir únemdeý jáne jaryq sapasyn arttyrý maqsatynda eski jaryqtandyrý quraldaryn energıa únemdeıtin jaryqdıodty shamdarǵa aýystyrý josparlanǵan.

Alaıda joba aıasynda kúdiktiler jabdyqtar men  jumystardyń qunyn negizsiz ósirip, jalpy somasy 320 mln teńge zalal keltirilgen.

Sonymen qatar qylmystyq jolmen alynǵan kiristerdi zańdastyrý maqsatynda atalǵan aksıonerlik qoǵamnyń burynǵy basshysy senimdi tulǵanyń atyna JSHS tirkep, ony jalǵan sharttar arqyly qarajatty qolma-qol aqshaǵa aınaldyrý úshin qosalqy merdiger uıym retinde paıdalanǵan.

Sot úkimimen D.B. Batyrbaev, Iý.G. Halıtov jáne N.T. Papyshevqa 7 jylǵa bas bostandyǵynan aıyrý jazasy taǵaıyndalyp, azamattyq talap qanaǵattandyryldy.

Sondaı-aq qylmystyq jolmen alynǵan qarajatqa satyp alynǵan múlik, turǵyn úıi bar jer ýchaskesi men avtokótergish tárkilendi.

Úkim zańdy kúshine endi.