Óskemen men Semeide 6 sáýirge deiin halyq pen kólikterdiń beisaýyt júrisine shekteý qoiyldy. ShQO ákiminiń orynbasary Álisher Marhabat qos qalanyń turǵyndary arnaiy ruqsat qaǵazben ǵana kóshege shyǵa alatynyn jetkizdi. Mundai ruqsat qaǵazy bir páterge nemese bir úige bir-bireýden ǵana berilmekshi.
Ruqsat qaǵazǵa ie bolǵan otbasy múshesi saýda nysandary men dárihanaǵa baryp saýda jasap, bank qyzmetin paidalana alady. Mundai ruqsat qaǵazdy turǵyndar bir aptanyń úsh kúninde bólip paidalana alady. Qaǵazdy qos qalanyń turǵyndary 2 sáýirden bastap páter ieleri kooperativteri men kondominimýmderden ala bastaidy.
Al qalanyń kommýnaldyq mekemelerinde jumys isteitin qyzmetkerlerine bólek arnaiy ruqsat qaǵazy beriletinin aita ketýimiz kerek.
Jasy 70 asqan, 1,2 top múgedekteriniń úiden shyǵýyna múlde bolmaidy.
[perfectpullquote align="full" bordertop="false" cite="" link="" color="" class="" size=""]Óz kezeginde ShQO ákiminiń orynbasary Shákárim Buqtyǵutov erteńnen bastap, iaǵni, 2 sáýirden bastap úiden shyǵýlaryna tyiym salynǵan turǵyndar arnaiy jetkizýshilerdiń kómegimen azyq-túlik, dári-dármek jáne birinshi kezekte qajet taýarlardy ala bastaitynyn aitty.
Turǵyndarǵa kórsetiletin kómektiń 4 standartty komplektisi bekitilgen. Arnaiy sebet áleýmettik mańyzy bar 19 azyq-túliktiń túri men 10 gigienalyq tazalyq zattardan turady.[/perfectpullquote]
Al ShQO Jumys pen qamtý jáne áleýmettik baǵadarlamalar basqarmasynyń basshysy Jasulan Sársebaev shaǵyn jáne orta biznes qyzmetkerleri, jeke kásipkerler kúndelikti túsetin tabysynan aiyrylýyna bailanysty memlekettiń 42 500 teńge kólemindegi áleýmettik kómegin ala alatynyn habarlady.
Óz kezeginde oblystyq Bilim basqarmasynyń jetekshisi Sairangúl Jumadilova ShQO aýmaǵynda bilim alýshylardyń 90%-nyń qashyqtan bilim alatyn múmkindigi bar ekenin tilge tiek etti.
Úilerine ǵalamtor tartylmǵan turǵyndar arnaiy roýtermen qamtylady. Jeke kompiýteri joq balalar ýaqytsha mekteptiń noýtbýktaryn paidalanbaq. Budan basqa «El-Arna» men «Balapan» telearnasy arqyly da onlain bilim alýǵa bolady.
Aita ketýimiz kerek, qazirgi tańda ShQO -daǵy provizorlyq statsionarlarda 52 adam, karantinda 61 adam baqylaýǵa alynǵan. Budan basqa taǵy 662 adam úi jaǵdaiynda oqshaýlanǵan.
