Oblystyq densaýlyq saqtaý basqarmasy jetekshisiniń orynbasary Vladimir Lidiń sózine súiengen Tengrinews saitynyń jazýynsha, ushqysh jergilikti aýrýhananyń travmotologiia bólimine jatqyzylǵan, al qalǵan tórteýin dárigerler úilerine qaitarǵan. Dárigerler olardyń kishigirim jaraqat alǵanyn, ómirine qaýip joq ekenin aitqan.
Qazaqstannyń aviatsiia biligi ókilderiniń aitýynsha, jergilikti «Orlan 2000» áýe kompaniiasyna tiesili An-2 ushaǵy sanitarlyq tapsyrma boiynsha Óskemennen Aqsýatqa ushqan. Jergilikti ýaqyt boiynsha saǵat 12:50-de «dvigatelden aqaý shyqqanyn» habarlaǵan.
Azamattyq aviatsiia komitetiniń dereginshe, áýe kemesi Óskemen áýejaiynan 1,5 shaqyrym qashyqtyqtaǵy aýmaqqa qonýǵa májbúr bolǵan. Onyń bortynda úsh ekipaj múshesi, eki jolaýshy bolǵan.
Ishki ister ministrliginiń tótenshe jaǵdai komiteti ushaqtyń dvigateli órtengenin habarlady.
