وبلىستىق دەنساۋلىق ساقتاۋ باسقارماسى جەتەكشٸسٸنٸڭ ورىنباسارى ۆلاديمير ليدٸڭ سٶزٸنە سٷيەنگەن Tengrinews سايتىنىڭ جازۋىنشا, ۇشقىش جەرگٸلٸكتٸ اۋرۋحانانىڭ تراۆموتولوگييا بٶلٸمٸنە جاتقىزىلعان, ال قالعان تٶرتەۋٸن دەرٸگەرلەر ٷيلەرٸنە قايتارعان. دەرٸگەرلەر ولاردىڭ كٸشٸگٸرٸم جاراقات العانىن, ٶمٸرٸنە قاۋٸپ جوق ەكەنٸن ايتقان.
قازاقستاننىڭ اۆياتسييا بيلٸگٸ ٶكٸلدەرٸنٸڭ ايتۋىنشا, جەرگٸلٸكتٸ «ورلان 2000» ەۋە كومپانيياسىنا تيەسٸلٸ ان-2 ۇشاعى سانيتارلىق تاپسىرما بويىنشا ٶسكەمەننەن اقسۋاتقا ۇشقان. جەرگٸلٸكتٸ ۋاقىت بويىنشا ساعات 12:50-دە «دۆيگاتەلدەن اقاۋ شىققانىن» حابارلاعان.
ازاماتتىق اۆياتسييا كوميتەتٸنٸڭ دەرەگٸنشە, ەۋە كەمەسٸ ٶسكەمەن ەۋەجايىنان 1,5 شاقىرىم قاشىقتىقتاعى اۋماققا قونۋعا مەجبٷر بولعان. ونىڭ بورتىندا ٷش ەكيپاج مٷشەسٸ, ەكٸ جولاۋشى بولعان.
ٸشكٸ ٸستەر مينيسترلٸگٸنٸڭ تٶتەنشە جاعداي كوميتەتٸ ۇشاقتىڭ دۆيگاتەلٸ ٶرتەنگەنٸن حابارلادى.
