Sarbazdyń qaza bolý deregi boiynsha áskeri bólimniń laýazymdy tulǵalaryna qatysty tergeý aiaqtaldy, dep habarlaidy Dalanews.kz.
Bas áskeri prokýratýranyń arnaiy prokýrorlary biyl 23 qańtarda sarbaz Q. Ospanovtyń qaza bolý deregi boiynsha Óskemen garnizonyndaǵy áskeri bólimderdiń biriniń batalon jáne vzvod komandirlerine qatysty qylmystyq isti tergep-tekserýdi aiaqtady.
Tergeý barysynda laýazymdy tulǵalardyń birneshe ret jarǵydan tys qarym-qatynasqa jol bergeni, qaza bolǵan áskeri qyzmetshige jáne onyń alty qyzmettesine psihologiialyq qysym kórsetkeni anyqtaldy.
Sonymen qatar, vzvod komandiri qarý-jaraqty saqtaý tártibine tiisti baqylaý júrgizbei, qyzmettik mindetterin oryndaýdan shet qalǵan.
Tergeý áreketterin tiisti túrde uiymdastyrý nátijesinde jetkilikti dáleldemeler bazasy jedel jinaqtaldy, qysqa merzimde qajetti saraptamalar júrgizildi, qylmystarǵa qatysy bar barlyq tulǵalar anyqtaldy.
Bilikti asyra paidalaný jáne qyzmetke salǵyrt qaraý faktileri boiynsha birneshe epizodtan turatyn qylmystyq is máni boiynsha qaraý úshin sotqa joldandy.
Birqatar kadrlyq sheshimder qabyldandy:áskeri bólim komandiri jáne onyń eki orynbasary laýazymdarynan bosatyldy, 9 laýazymdy tulǵa tártiptik jaýapkershilikke tartyldy.
Áskeri qyzmetshilerdiń qaza bolý faktileri boiynsha isterdi tergep-tekserýdiń tolyqtyǵyn, jan-jaqtylyǵyn jáne obektivtiligin qamtamasyz etý maqsatynda Bas áskeri prokýratýra tarapynan turaqty negizde tiisti sharalar iske asyrylady.
Atap aitqanda, tergeý áreketterin júrgizý, onyń ishinde oqiǵa ornyn qaraý ádistemesi, oqiǵanyń jaǵdaiyn egjei-tegjeili tirkeý jáne zattai dáleldemelerdi alý rásimderi jetildirildi deidi prokýrorlar.
