«Jalpyulttyq sotsial-demokratiialyq partiiasy 19 adamnan turatyn partiialyq tizimdi usyndy. Bul tizimde 6 kandidat bar: áielder, jastar jáne múgedektigi bar adamdar. Olar kandidattardyń jalpy sanynyń 31,6 paiyzyn quraidy. Belgilengen kvota saqtalǵan. Ortalyq sailaý komissiiasy ókiletti memlekettik organdarmen birlesip, Májilis depýtaty bolyp sailaný úshin partiialyq tizimge engizilgen adamdardyń Konstitýtsiia men «Sailaý týraly» Konstitýtsiialyq zańnyń talaptaryna sáikestigine tekserý júrgizdi. Partiialyq tizimge engizilgen barlyq adam Konstitýtsiianyń jáne «Sailaý týraly» Konstitýtsiialyq zańnyń talaptaryna sáikes keledi», - dedi OSK múshesi Anastasiia Shegortsova.
Onyń atap ótýinshe, JSDP Parlament Májilisi depýtattarynyń aldyńǵy sailaýyna qatysqan joq.
«Sondyqtan «Sailaý týraly» zańnyń 88-babyna partiia tizimin tirkeý úshin OSK shotyna sailaý jarnasyn engizýi tiis. Jarna somasy partiialyq tizimge engizilgen árbir adam úshin eń tómengi jalaqynyń 15 eselengen mólsherin quraidy. JSDP sailaý jarnasyn tolyq kólemde tóledi», - dedi ol.
Osydan keiin Ortalyq sailaý komissiiasynyń músheleri Jalpyulttyq sotsial-demokratiialyq partiiasy qoǵamdyq birlestiginen Parlament Májilisi depýtattyǵyna kandidattardyń QR Konstitýtsiiasynda jáne «Sailaý týraly» Konstitýtsiialyq zańda olarǵa qoiylatyn talaptarǵa sáikestigin anyqtaý týraly, JSDP-nyń partiialyq tizimin tirkeý týraly hattamalarǵa qol qoidy.
