Eks-ministr Qýandyq Bishimbaevty oqiǵa bolǵan kúni ustaǵan politsiia qyzmetkerine qatysty qyzmettik tergeý júrgiziledi, - dep habarlaidy Dalanews.kz.
Buǵan deiin Qýandyq Bishimbaevqa qatysty sot otyrysynyń birinde politseidiń jetonynan video kórsetilgen bolatyn. Keiin politsiia "Bishimbaevtyń qolynan kisendi sheship, temeki shegýine ruqsat bergeni" jóninde aqparat tarady. Oǵan qosa quzyrly organ qyzmetkeri Bishimbaevtan marqum Núkenovaǵa qatysty "osy jaǵdaiǵa jetkizgen ózi me?" dep suraǵany týraly aqparat ta boldy.
Endi politsiianyń osy isterine quqyqtyq baǵa beriletini belgili boldy.
"Osy derek boiynsha Astana qalasynyń Politsiia departamenti qyzmettik tergeý taǵaiyndady. Mán-jaiy anyqtalady. Nátijeleri qosymsha habarlanady", - dep jazylǵan IIM-niń Tengrinews.kz-ke jaýabynda.
Aita keteiik, buǵan deiin jýrnalisterge bergen jaýabynda II basshysynyń orynbasary Igor Lepeha osy jait tekseriletinin jetkizdi.
"Jetondaǵy videony kórgen joqpyn, zerttep kóreiik. Olar temeki shegýge ruqsat bermeýi kerek edi, biraq qolyndaǵy kisenin sheshe alady. Arnaiy erejeleri bar. Iaǵni ol kólikke deiin kisenmen barýy kerek, al kólikke otyrǵan kezde kisendi sheship tastai alamyz. Bul - qalypty jaǵdai, sebebi erteń bizdi azaptady dep kinálamaýy qajet. Bul jerde oǵash eshteńe kórip turǵan joqpyn. Al temeki shegýge keler bolsaq, qarap, zertteý kerek. Bizdiń barlyq áreketimizge baǵa beretin tiisti bólimsheler bar", - dedi Igor Lepeha.
Sonymen qatar, vedomstvo ókili baǵa beretin bólim basshysyna jetkizetinin málimdedi.
Al politseidiń jetonyndaǵy video kadrlarynda politseiler Bishimbaevtan jaýap alyp jatqan sát te kórinedi.
Videoda "tańǵa deiin urystyq" degen daýystar estiledi. Jábirlenýshi tarap ókili Aitbek Amangeldi videoǵa qatysty pikir bildirip, kadrlarda Bishimbaev ózin qalypty ustaǵanyn aitqan bolatyn.
