ەكس-مينيستر قۋاندىق بيشٸمباەۆتى وقيعا بولعان كٷنٸ ۇستاعان پوليتسييا قىزمەتكەرٸنە قاتىستى قىزمەتتٸك تەرگەۋ جٷرگٸزٸلەدٸ, - دەپ حابارلايدى Dalanews.kz.
بۇعان دەيٸن قۋاندىق بيشٸمباەۆقا قاتىستى سوت وتىرىسىنىڭ بٸرٸندە پوليتسەيدٸڭ جەتونىنان ۆيدەو كٶرسەتٸلگەن بولاتىن. كەيٸن پوليتسييا "بيشٸمباەۆتىڭ قولىنان كٸسەندٸ شەشٸپ, تەمەكٸ شەگۋٸنە رۇقسات بەرگەنٸ" جٶنٸندە اقپارات تارادى. وعان قوسا قۇزىرلى ورگان قىزمەتكەرٸ بيشٸمباەۆتان مارقۇم نٷكەنوۆاعا قاتىستى "وسى جاعدايعا جەتكٸزگەن ٶزٸ مە?" دەپ سۇراعانى تۋرالى اقپارات تا بولدى.
ەندٸ پوليتسييانىڭ وسى ٸستەرٸنە قۇقىقتىق باعا بەرٸلەتٸنٸ بەلگٸلٸ بولدى.
"وسى دەرەك بويىنشا استانا قالاسىنىڭ پوليتسييا دەپارتامەنتٸ قىزمەتتٸك تەرگەۋ تاعايىندادى. مەن-جايى انىقتالادى. نەتيجەلەرٸ قوسىمشا حابارلانادى", - دەپ جازىلعان ٸٸم-نٸڭ Tengrinews.kz-كە جاۋابىندا.
ايتا كەتەيٸك, بۇعان دەيٸن جۋرناليستەرگە بەرگەن جاۋابىندا ٸٸ باسشىسىنىڭ ورىنباسارى يگور لەپەحا وسى جايت تەكسەرٸلەتٸنٸن جەتكٸزدٸ.
"جەتونداعى ۆيدەونى كٶرگەن جوقپىن, زەرتتەپ كٶرەيٸك. ولار تەمەكٸ شەگۋگە رۇقسات بەرمەۋٸ كەرەك ەدٸ, بٸراق قولىنداعى كٸسەنٸن شەشە الادى. ارنايى ەرەجەلەرٸ بار. ياعني ول كٶلٸككە دەيٸن كٸسەنمەن بارۋى كەرەك, ال كٶلٸككە وتىرعان كەزدە كٸسەندٸ شەشٸپ تاستاي الامىز. بۇل - قالىپتى جاعداي, سەبەبٸ ەرتەڭ بٸزدٸ ازاپتادى دەپ كٸنەلاماۋى قاجەت. بۇل جەردە وعاش ەشتەڭە كٶرٸپ تۇرعان جوقپىن. ال تەمەكٸ شەگۋگە كەلەر بولساق, قاراپ, زەرتتەۋ كەرەك. بٸزدٸڭ بارلىق ەرەكەتٸمٸزگە باعا بەرەتٸن تيٸستٸ بٶلٸمشەلەر بار", - دەدٸ يگور لەپەحا.
سونىمەن قاتار, ۆەدومستۆو ٶكٸلٸ باعا بەرەتٸن بٶلٸم باسشىسىنا جەتكٸزەتٸنٸن مەلٸمدەدٸ.
ال پوليتسەيدٸڭ جەتونىنداعى ۆيدەو كادرلارىندا پوليتسەيلەر بيشٸمباەۆتان جاۋاپ الىپ جاتقان سەت تە كٶرٸنەدٸ.
ۆيدەودا "تاڭعا دەيٸن ۇرىستىق" دەگەن داۋىستار ەستٸلەدٸ. جەبٸرلەنۋشٸ تاراپ ٶكٸلٸ ايتبەك امانگەلدٸ ۆيدەوعا قاتىستى پٸكٸر بٸلدٸرٸپ, كادرلاردا بيشٸمباەۆ ٶزٸن قالىپتى ۇستاعانىن ايتقان بولاتىن.
