Mundaǵy diqandar jońyshqa, dándi júgeri, qarbyz jáne basqa da kókónisterdi egýmen ainalysady. Dostyq aýylynda ornalasqan sharýa qojalyǵy 73,9 gektar alqapta ornalasqan. Sharýalar sońǵy jyldary keńinen qoldanatyn tamshylap sýarý ádisiniń tiimdiligin kórýde.
Biylǵy jyldyń tamyz aiyndaǵy kórsetkish boiynsha, jalpy Maqtaaral aýdany boiynsha aýyl sharýashylyǵy salasynda óndirilgen ónimniń kólemi 8028 mln. teńgeni quraǵan. Oblys basshysy Maqtaaral aýdanyn damytý maqsatynda iske asyrylyp jatqan jobalardyń júzege asyrylýyn da tekserdi. Aýdandy kóriktendirý men abattandyrý jumystary da basty nazarda. Myrzakent kentindegi ortalyq saiabaqta, Dańq gúlzarynda qaita jańǵyrtý jumystary qyzý júrip jatyr.
Ortalyq «Mádeniet úii» kúrdeli jóndeýden ótýde. Ómirzaq Estaiuly qurylys jumystary barysynda kanalizatsiia men gaz qubyryn júrgizýdiń mańyzdylyǵyn atap ótti.
Budan keiin aimaq basshysy shitti maqtany tasymaldaýǵa arnalǵan «2PTSH-10-45» modeldi traktor tirkemesiniń óndirisinde boldy. Óndiris orny avtoturaq, ákimshilik ǵimaraty, tarazy jáne qoima, tehnikalyq qyzmet kórsetý ortalyǵy men qosalqy bólshekter qoimasymen jabdyqtalǵan.
Túrkistan oblysy ákiminiń bapasóz qyzmeti
