تۇركىستان وبلىسى اكىمى ءومىرزاق شوكەيەۆ ماقتاارال اۋدانىن ات باسىن بۇرىپ، ءبىرىنشى كەزەكتە اۋدانىنداعى «وتان انا» شارۋا قوجالىعىنىڭ دالا جۇمىستارىمەن تانىستى.

مۇنداعى ديقاندار جوڭىشقا، ءداندى جۇگەرى، قاربىز جانە باسقا دا كوكونىستەردى ەگۋمەن اينالىسادى. دوستىق اۋىلىندا ورنالاسقان شارۋا قوجالىعى 73،9 گەكتار القاپتا ورنالاسقان. شارۋالار سوڭعى جىلدارى كەڭىنەن قولداناتىن تامشىلاپ سۋارۋ ءادىسىنىڭ تيىمدىلىگىن كورۋدە.

سونىڭ ارقاسىندا، تابىس كولەمىنىڭ دە ارتىپ وتىرعانىن ايتادى. الداعى ۋاقىتتا، شارۋالار جىلىنا 3 رەت ءونىم جيناۋدى جوسپارلاۋدا. «تابىستىڭ ۇلعايعانى جاقسى. ءبىراق كولەمىن ارتتىرىپ العانعا دەيىن ساقتايتىن جەردى دە ويلاستىرعان ءجون. قويما سانىن كوبەيتۋ كەرەك» دەدى ءومىرزاق ەستاي ۇلى شارۋا قوجالىقتارىنىڭ يەلەرىنە.

بيىلعى جىلدىڭ تامىز ايىنداعى كورسەتكىش بويىنشا، جالپى ماقتاارال اۋدانى بويىنشا اۋىل شارۋاشىلىعى سالاسىندا وندىرىلگەن ءونىمنىڭ كولەمى 8028 ملن. تەڭگەنى قۇراعان. وبلىس باسشىسى ماقتاارال اۋدانىن دامىتۋ ماقساتىندا ىسكە اسىرىلىپ جاتقان جوبالاردىڭ جۇزەگە اسىرىلۋىن دا تەكسەردى. اۋداندى كورىكتەندىرۋ مەن اباتتاندىرۋ جۇمىستارى دا باستى نازاردا. مىرزاكەنت كەنتىندەگى ورتالىق ساياباقتا، داڭق گۇلزارىندا قايتا جاڭعىرتۋ جۇمىستارى قىزۋ ءجۇرىپ جاتىر.

ورتالىق «مادەنيەت ءۇيى» كۇردەلى جوندەۋدەن وتۋدە. ءومىرزاق ەستاي ۇلى قۇرىلىس جۇمىستارى بارىسىندا كاناليزاسيا مەن گاز قۇبىرىن جۇرگىزۋدىڭ ماڭىزدىلىعىن اتاپ ءوتتى.

بۇدان كەيىن ايماق باسشىسى ءشيتتى ماقتانى تاسىمالداۋعا ارنالعان «2پتسح-10-45» مودەلدى تراكتور تىركەمەسىنىڭ وندىرىسىندە بولدى. ءوندىرىس ورنى اۆتوتۇراق، اكىمشىلىك عيماراتى، تارازى جانە قويما، تەحنيكالىق قىزمەت كورسەتۋ ورتالىعى مەن قوسالقى بولشەكتەر قويماسىمەن جابدىقتالعان.

 

تۇركىستان وبلىسى اكىمىنىڭ ءباپاسوز قىزمەتى