Jiynda «Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi Beisen Tájibaev partiianyń aimaqtyq filialy Saiasi keńesiniń 2019-2020 jyldary atqarylǵan jumystary týraly esep berip, aldaǵy josparlarǵa toqtaldy. Onyń aitýynsha, Túrkistan oblysynda «Nur Otan» partiiasynyń 80 myńnan astam múshesi, 244 bastaýysh partiia uiymy bar. Óńirde partiialyq jobalar joǵary deńgeide júzege asyrylyp keledi. Partiianyń qoǵamdyq qabyldaý bólmelerine 2019 jyly 9 myńnan astam aryz-shaǵym kelip tússe, olardyń 49%-y ońtaily sheshilgen. 2020 jyly 27 myńnan astam ótinish túsip, aldyńǵy jylmen salystyrǵanda 3 esege artqan. Bul – halyqtyń partiiaǵa degen senimin kórsetedi. Ótinishterdi qaraý nátijesinde 60%-y ońtaily sheshilgen. Partiia filialy aryz-shaǵymdy der kezinde qadaǵalaý, qoǵammen bailanys ornatýdy jetildirý, aqparattyq jáne nasihattyq jumys kórsetkishi boiynsha respýblikada aldyńǵy qatarda keledi.
«2020 jyly elimizde koronovirýs pandemiiasyna bailanysty tótenshe jaǵdai jariialandy. «Biz birgemiz» aktsiiasy aiasynda qiyn jaǵdaida qalǵan 43540 otbasyna azyq-túlik sebetteri berildi. Bul boiynsha Túrkistan oblysy respýblikada ekinshi orynǵa shyqty. Aktsiiaǵa oblys kásipkerleri, partiia músheleri, oblystyq, aýdandyq máslihat depýtattarynyń qosqan úlesi zor. Elbasy, partiia Tóraǵasynyń tapsyrmasymen qurylǵan «Birgemiz» respýblikalyq qory arqyly oblystyń 38907 otbasyna 50000 teńgeden berildi. Maqtaaralda atalǵan qordyń kómegimen 32 úi turǵyndarǵa tapsyryldy», – degen Beisen Dáýletuly praimerizge qatysý kórsetkishi boiynsha óńir respýblikada birinshi orynǵa shyqqanyn, «Nur Otan» partiiasynyń oblystyq fraktsiiasynyń quramy 60%-ǵa jańarǵanyn, ortasha jasy – 47, iaǵni 4 jylǵa jasarǵanyn málimdedi.
Bul jumystardy atqarýda Partiia Tóraǵasy Nursultan Nazarbaevtyń partiia jumysyn jandandyrý jónindegi «Senim. Dialog. Bolashaqqa nyq qadam» – «Nur Otan» partiiasynyń 7 serpini» baǵdarlamasy men El Prezidenti Qasym-Jomart Toqaevtyń «Halyq únine qulaq asatyn memleket» tujyrymdamasy negizge alynǵan.
Konferentsiiany qortyndylaǵan oblys ákimi, partiianyń oblystyq filialynyń tóraǵasy Ómirzaq Shókeev partiianyń oblystyq filialynyń sońǵy eki jylda atqarǵan jumystaryn oń baǵalap, oblystyq, aýdandyq jáne qalalyq filial tóraǵalaryna birqatar tapsyrma berdi.
«Nur Otan» – naqty ister partiiasy. Elimiz boiynsha jetekshi partiianyń yqpalymen turǵyndardyń talap-tilekteri nazarǵa alynyp, ózekti máseleler sheshimin tapty. «Ózgerister joly: Ár azamatqa laiyqty ómir!» atty «Nur Otan» partiiasynyń Sailaýaldy baǵdarlamasyn iske asyrý jónindegi Jol kartasynyń oryndalýyn qamtamasyz etýdi tapsyramyn. Bul – Túrkistan oblysynyń damý baǵdarlamasy. Sondyqtan indikatorlar tolyq oryndalýy tiis. Sailaýaldy baǵdarlamanyń iske asyrylýyn baqylaý maqsatynda qurylǵan Qoǵamdyq keńesterdiń jumysy belsendi júrgizilsin. Turǵyndardyń ózekti máselelerin sheshý maqsatynda kóshpeli qabyldaýlar, partiia filialdary basshylyǵynyń, fraktsiia músheleriniń, memlekettik organ basshylarynyń qoǵamdyq qabyldaýlaryn júieli ótkizýdi tapsyramyn. Qazir pandemiia álem elderine, onyń ishinde Qazaqstanǵa da ońai tiip jatqan joq. Biraq biz elimizdegi jetekshi saiasi kúsh retinde memlekettiń damýyna úles qosýymyz kerek. Bul rette barshańyzǵa jaýapkershilik júktelip otyr. Sailaýaldy baǵdarlamany oryndaý – bizdiń mindetimiz. Sondyqtan jol kartasyn janashyrlyqpen atqarýdy talap etemin», – dedi Ó.Shókeev.
Konferentsiia qortyndysy boiynsha «Nur Otan» partiiasy Túrkistan oblystyq filialy Saiasi keńesiniń jańa quramy sailanyp, qaýly qabyldandy.
