جيىندا «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى بەيسەن تاجىبايەۆ پارتيانىڭ ايماقتىق فيليالى ساياسي كەڭەسىنىڭ 2019-2020 جىلدارى اتقارىلعان جۇمىستارى تۋرالى ەسەپ بەرىپ، الداعى جوسپارلارعا توقتالدى. ونىڭ ايتۋىنشا، تۇركىستان وبلىسىندا «Nur Otan» پارتياسىنىڭ 80 مىڭنان استام مۇشەسى، 244 باستاۋىش پارتيا ۇيىمى بار. وڭىردە پارتيالىق جوبالار جوعارى دەڭگەيدە جۇزەگە اسىرىلىپ كەلەدى. پارتيانىڭ قوعامدىق قابىلداۋ بولمەلەرىنە 2019 جىلى 9 مىڭنان استام ارىز-شاعىم كەلىپ تۇسسە، ولاردىڭ 49%-ى وڭتايلى شەشىلگەن. 2020 جىلى 27 مىڭنان استام ءوتىنىش ءتۇسىپ، الدىڭعى جىلمەن سالىستىرعاندا 3 ەسەگە ارتقان. بۇل – حالىقتىڭ پارتياعا دەگەن سەنىمىن كورسەتەدى. وتىنىشتەردى قاراۋ ناتيجەسىندە 60%-ى وڭتايلى شەشىلگەن. پارتيا فيليالى ارىز-شاعىمدى دەر كەزىندە قاداعالاۋ، قوعاممەن بايلانىس ورناتۋدى جەتىلدىرۋ، اقپاراتتىق جانە ناسيحاتتىق جۇمىس كورسەتكىشى بويىنشا رەسپۋبليكادا الدىڭعى قاتاردا كەلەدى.
«2020 جىلى ەلىمىزدە كورونوۆيرۋس پاندەمياسىنا بايلانىستى توتەنشە جاعداي جاريالاندى. «ءبىز بىرگەمىز» اكسياسى اياسىندا قيىن جاعدايدا قالعان 43540 وتباسىنا ازىق-تۇلىك سەبەتتەرى بەرىلدى. بۇل بويىنشا تۇركىستان وبلىسى رەسپۋبليكادا ەكىنشى ورىنعا شىقتى. اكسياعا وبلىس كاسىپكەرلەرى، پارتيا مۇشەلەرى، وبلىستىق، اۋداندىق ءماسليحات دەپۋتاتتارىنىڭ قوسقان ۇلەسى زور. ەلباسى، پارتيا ءتوراعاسىنىڭ تاپسىرماسىمەن قۇرىلعان «بىرگەمىز» رەسپۋبليكالىق قورى ارقىلى وبلىستىڭ 38907 وتباسىنا 50000 تەڭگەدەن بەرىلدى. ماقتاارالدا اتالعان قوردىڭ كومەگىمەن 32 ءۇي تۇرعىندارعا تاپسىرىلدى»، – دەگەن بەيسەن داۋلەت ۇلى پرايمەريزگە قاتىسۋ كورسەتكىشى بويىنشا ءوڭىر رەسپۋبليكادا ءبىرىنشى ورىنعا شىققانىن، «Nur Otan» پارتياسىنىڭ وبلىستىق فراكسياسىنىڭ قۇرامى 60%-عا جاڭارعانىن، ورتاشا جاسى – 47، ياعني 4 جىلعا جاسارعانىن مالىمدەدى.
بۇل جۇمىستاردى اتقارۋدا پارتيا ءتوراعاسى نۇرسۇلتان نازاربايەۆتىڭ پارتيا جۇمىسىن جانداندىرۋ جونىندەگى «سەنىم. ديالوگ. بولاشاققا نىق قادام» – «Nur Otan» پارتياسىنىڭ 7 سەرپىنى» باعدارلاماسى مەن ەل پرەزيدەنتى قاسىم-جومارت توقايەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسى نەگىزگە الىنعان.
كونفەرەنسيادا وبلىستىق باقىلاۋ-تەكسەرۋ كوميسسياسىنىڭ ءتوراعاسى ا.تاسىبايەۆ پەن وبلىستىق ءماسليحات دەپۋتاتى بەكارىس شويبەكوۆ فيليال جۇمىسىنىڭ جاندانعانىن ايتتى. تۇركىستان وبلىستىق ارداگەرلەر كەڭەسىنىڭ ءتوراعاسى، ساياسي كەڭەس مۇشەسى جەڭىسبەك ماۋلەنقۇلوۆ سايلاۋالدى باعدارلامانى ورىنداۋ بارىسىندا تۇركىستان وڭىرىندە اۋقىمدى جۇمىس قولعا الىنعانىن، تۇركىستان شاھارىنداعى يگى وزگەرىستەرگە ەلباسى جوعارى باعاسىن بەرگەنىن جەتكىزدى.
كونفەرەنسيانى قورتىندىلاعان وبلىس اكىمى، پارتيانىڭ وبلىستىق فيليالىنىڭ ءتوراعاسى ءومىرزاق شوكەيەۆ پارتيانىڭ وبلىستىق فيليالىنىڭ سوڭعى ەكى جىلدا اتقارعان جۇمىستارىن وڭ باعالاپ، وبلىستىق، اۋداندىق جانە قالالىق فيليال ءتوراعالارىنا ءبىرقاتار تاپسىرما بەردى.
«Nur Otan» – ناقتى ىستەر پارتياسى. ەلىمىز بويىنشا جەتەكشى پارتيانىڭ ىقپالىمەن تۇرعىنداردىڭ تالاپ-تىلەكتەرى نازارعا الىنىپ، وزەكتى ماسەلەلەر شەشىمىن تاپتى. «وزگەرىستەر جولى: ءار ازاماتقا لايىقتى ءومىر!» اتتى «Nur Otan» پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسىنىڭ ورىندالۋىن قامتاماسىز ەتۋدى تاپسىرامىن. بۇل – تۇركىستان وبلىسىنىڭ دامۋ باعدارلاماسى. سوندىقتان ينديكاتورلار تولىق ورىندالۋى ءتيىس. سايلاۋالدى باعدارلامانىڭ ىسكە اسىرىلۋىن باقىلاۋ ماقساتىندا قۇرىلعان قوعامدىق كەڭەستەردىڭ جۇمىسى بەلسەندى جۇرگىزىلسىن. تۇرعىنداردىڭ وزەكتى ماسەلەلەرىن شەشۋ ماقساتىندا كوشپەلى قابىلداۋلار، پارتيا فيليالدارى باسشىلىعىنىڭ، فراكسيا مۇشەلەرىنىڭ، مەملەكەتتىك ورگان باسشىلارىنىڭ قوعامدىق قابىلداۋلارىن جۇيەلى وتكىزۋدى تاپسىرامىن. ءقازىر پاندەميا الەم ەلدەرىنە، ونىڭ ىشىندە قازاقستانعا دا وڭاي ءتيىپ جاتقان جوق. ءبىراق ءبىز ەلىمىزدەگى جەتەكشى ساياسي كۇش رەتىندە مەملەكەتتىڭ دامۋىنا ۇلەس قوسۋىمىز كەرەك. بۇل رەتتە بارشاڭىزعا جاۋاپكەرشىلىك جۇكتەلىپ وتىر. سايلاۋالدى باعدارلامانى ورىنداۋ – ءبىزدىڭ مىندەتىمىز. سوندىقتان جول كارتاسىن جاناشىرلىقپەن اتقارۋدى تالاپ ەتەمىن»، – دەدى ءو.شوكەيەۆ.
كونفەرەنسيا قورتىندىسى بويىنشا «Nur Otan» پارتياسى تۇركىستان وبلىستىق فيليالى ساياسي كەڭەسىنىڭ جاڭا قۇرامى سايلانىپ، قاۋلى قابىلداندى.
