Qojalyqtyń jer kólemi – 2322 gektar. Óndiretin ónim túrleri – I, II jáne III reprodýktsiialy bidai tuqymy men jemis-jidek ónimderi. Onda 250 adam turaqty jumyspen qamtylǵan. Tamshylatyp sýarý ádisimen 405 gektar alqapqa jemis-jidek egip otyr. Atap aitqanda, 150 gektarǵa – alma, 88 gektar jerge – shabdaly, 31 ga – shie, 94 ga – alhory, 25 ga – órik, 17 ga – almurt, 120 ga – taifyi sortyndaǵy júzim.Qojalyq jumysymen tanysqan aimaq basshysy ónimderdi eksporttaýdy qolǵa alý qajettigin aitty.
Aýdandaǵy sapar «Aýyl – el besigi» jobasy sheńberinde Qazyǵurt aýdanynda iske asyrylatyn jobalarǵa arnalǵan jiynmen jalǵasty. Onda Qazyǵurt aýdanynyń ákimi Tólegen Telǵaraev baǵdarlama aiasynda atqarylar jumystarmen tanystyrdy.
«Qazyǵurt aýdanyna Aýyl – el besigi» jobasy sheńberinde 2019 jyly 608 mln. 757 myń. teńge josparlanýda. Joldardy orta jóndeýge 343 mln. 192 myń. teńge, al bilim salasy boiynsha mektepterdi aǵymdaǵy jóndeýge 37 mln. 915 myń. teńge qaraldy. Sondai-aq, joba aiasynda ortalyq fýtbol alańy, balabaqshalar, mádeniet úii, ortalyq kitaphana aǵymdaǵy jóndeýden ótedi», – dedi aýdan ákimi.
Oblys ákimi Ómirzaq Shókeev aýdan basshylyǵyna «Aýyl – el besigi» baǵdarlamasyn qoldap, aýyldy, aimaqty kórkeitý qajettigin tapsyrdy.
«Joba júieli túrde iske asýy qajet. Aldymen aýdan ortalyǵy, okrýg ortalyǵy, keiin jyl saiyn 5 aýyldy kórkeitip, abattandyrý jumystary júrgizilý kerek. Aýyldarda nysandar kóbirek salynyp, kósheler jóndelip, saiabaqtar sany jyl saiyn artýy tiis», – dedi Ómirzaq Estaiuly.
Túrkistan oblysy ákiminiń baspasóz qyzmeti
