قوجالىقتىڭ جەر كٶلەمٸ – 2322 گەكتار. ٶندٸرەتٸن ٶنٸم تٷرلەرٸ – I, II جەنە III رەپرودۋكتسييالى بيداي تۇقىمى مەن جەمٸس-جيدەك ٶنٸمدەرٸ. وندا 250 ادام تۇراقتى جۇمىسپەن قامتىلعان. تامشىلاتىپ سۋارۋ ەدٸسٸمەن 405 گەكتار القاپقا جەمٸس-جيدەك ەگٸپ وتىر. اتاپ ايتقاندا, 150 گەكتارعا – الما, 88 گەكتار جەرگە – شابدالى, 31 گا – شيە, 94 گا – الحورى, 25 گا – ٶرٸك, 17 گا – المۇرت, 120 گا – تايفىي سورتىنداعى جٷزٸم.قوجالىق جۇمىسىمەن تانىسقان ايماق باسشىسى ٶنٸمدەردٸ ەكسپورتتاۋدى قولعا الۋ قاجەتتٸگٸن ايتتى.
اۋدانداعى ساپار «اۋىل – ەل بەسٸگٸ» جوباسى شەڭبەرٸندە قازىعۇرت اۋدانىندا ٸسكە اسىرىلاتىن جوبالارعا ارنالعان جيىنمەن جالعاستى. وندا قازىعۇرت اۋدانىنىڭ ەكٸمٸ تٶلەگەن تەلعاراەۆ باعدارلاما اياسىندا اتقارىلار جۇمىستارمەن تانىستىردى.
«قازىعۇرت اۋدانىنا اۋىل – ەل بەسٸگٸ» جوباسى شەڭبەرٸندە 2019 جىلى 608 ملن. 757 مىڭ. تەڭگە جوسپارلانۋدا. جولداردى ورتا جٶندەۋگە 343 ملن. 192 مىڭ. تەڭگە, ال بٸلٸم سالاسى بويىنشا مەكتەپتەردٸ اعىمداعى جٶندەۋگە 37 ملن. 915 مىڭ. تەڭگە قارالدى. سونداي-اق, جوبا اياسىندا ورتالىق فۋتبول الاڭى, بالاباقشالار, مەدەنيەت ٷيٸ, ورتالىق كٸتاپحانا اعىمداعى جٶندەۋدەن ٶتەدٸ», – دەدٸ اۋدان ەكٸمٸ.
وبلىس ەكٸمٸ ٶمٸرزاق شٶكەەۆ اۋدان باسشىلىعىنا «اۋىل – ەل بەسٸگٸ» باعدارلاماسىن قولداپ, اۋىلدى, ايماقتى كٶركەيتۋ قاجەتتٸگٸن تاپسىردى.
«جوبا جٷيەلٸ تٷردە ٸسكە اسۋى قاجەت. الدىمەن اۋدان ورتالىعى, وكرۋگ ورتالىعى, كەيٸن جىل سايىن 5 اۋىلدى كٶركەيتٸپ, اباتتاندىرۋ جۇمىستارى جٷرگٸزٸلۋ كەرەك. اۋىلداردا نىساندار كٶبٸرەك سالىنىپ, كٶشەلەر جٶندەلٸپ, ساياباقتار سانى جىل سايىن ارتۋى تيٸس», – دەدٸ ٶمٸرزاق ەستايۇلى.
تٷركٸستان وبلىسى ەكٸمٸنٸڭ باسپاسٶز قىزمەتٸ
