– 2017 jyly Áleýmettik meditsinalyq saqtandyrý qory jumysyn bastaǵanda qor basshylyǵy el azamattaryna meditsinalyq qyzmettiń sapasy men qoljetimdiligin arttyrýǵa ýáde bergeni esimizde. Qor ár ai saiyn Qazaqstan azamattarynan 35-45 mlrd teńge jinap, qorjyndaryna salyp otyrdy. Sońynda ne boldy? Alystan mysal izdemei-aq qoiayn. Meniń otbasym indet taraǵan kezde bir túiir tegin dári men meditsinalyq qyzmetke qol jetkize almady. Biraq bizder 2,5 jyl ailyǵymyzdan belgili kólemde Áleýmettik meditsinalyq saqtandyrý qoryna úzdiksiz aýdaryp keldik, – Rahym Oshaqbaev óz aiyn ashyp aitypty.
Óz kezeginde bilikti maman medsaqtyndyrý qorynyń jumys móldir bolmaǵandyqtan kókeiinde kóptegen kúmándi suraqtar týyndaǵanyn da jasyrmapty.
– ÁMSQ qurylǵaly beri qarapaiym halyq pen memleket qazynasynan qansha qarjy bólinip, onyń qaida saqtalǵanyn eshkim bilgen joq. Qordyń jumysyna qatysty ashyq eseptilik bolmady. Qordyń saitynda qansha qarjy túskeni jaiynda qurǵaq aqparattan basqa eshteńe tappaisyń. Aitalyq, 2020 jyly qorǵa ai saiyn 35-45 mlrd teńge túsip turǵan, – deidi sarapshy.
Rahym Oshaqbaevtyń jeke esebi boiynsha, qorǵa ústimizdegi jyly 400-500 mlrd teńge túsken.
– Meniń oiymsha, qorǵa tiesili jarty trillon teńgeniń kóbesi sógilmei Ulttyq bankte saqtalýy múmkin. Eger osy aqshany pandemiia kezinde tiimdi paidalanǵanda, kóptegen adamnyń ómirin saqtap qalar edik. Jarty trillion teńge 1,2 mlrd dollardy quraidy. Halyqqa qajet kezinde osynsha qyrýar qarjynyń el múddesine jaramai esepshotta jatýyn qalai túsinýge bolady? – degen ekonomist osy aqshany dereý memleket biýdjetine aýdaryp, koronavirýspen kúreske qarsy baǵyttaý kerek ekenin de tilge tiek etipti.
– Birinshe kezekte bul aqshaǵa asa qajet dárilerdi satyp alýymyz kerek. Aldaǵy ýaqytta tiimsiz jumys istep, jylyna 10 mlrd teńge shyǵyndap kelgen medsaqtyndrý qoryn tarqatyp, onyń qyzmetin Densaýlyq ministrligine qarasty Meditsinalyq qyzmetke tólem jasaý komitetine qaitarý kerek, – dep Rahym Oshaqbaev óz talabyn ashyq aitty.
Sóz sońynda Oshaqbaev koronavirýspen tiimdi kúresýge qarjylai múmkindigi bolǵan qor basshysynyń aqyly men uiatynyń bar ekenine kúdik keltiripti.
