– 2017 جىلى ەلەۋمەتتٸك مەديتسينالىق ساقتاندىرۋ قورى جۇمىسىن باستاعاندا قور باسشىلىعى ەل ازاماتتارىنا مەديتسينالىق قىزمەتتٸڭ ساپاسى مەن قولجەتٸمدٸلٸگٸن ارتتىرۋعا ۋەدە بەرگەنٸ ەسٸمٸزدە. قور ەر اي سايىن قازاقستان ازاماتتارىنان 35-45 ملرد تەڭگە جيناپ, قورجىندارىنا سالىپ وتىردى. سوڭىندا نە بولدى? الىستان مىسال ٸزدەمەي-اق قوياىن. مەنٸڭ وتباسىم ٸندەت تاراعان كەزدە بٸر تٷيٸر تەگٸن دەرٸ مەن مەديتسينالىق قىزمەتكە قول جەتكٸزە المادى. بٸراق بٸزدەر 2,5 جىل ايلىعىمىزدان بەلگٸلٸ كٶلەمدە ەلەۋمەتتٸك مەديتسينالىق ساقتاندىرۋ قورىنا ٷزدٸكسٸز اۋدارىپ كەلدٸك, – راحىم وشاقباەۆ ٶز ايىن اشىپ ايتىپتى.
ٶز كەزەگٸندە بٸلٸكتٸ مامان مەدساقتىندىرۋ قورىنىڭ جۇمىس مٶلدٸر بولماعاندىقتان كٶكەيٸندە كٶپتەگەن كٷمەندٸ سۇراقتار تۋىنداعانىن دا جاسىرماپتى.
– ەمسق قۇرىلعالى بەرٸ قاراپايىم حالىق پەن مەملەكەت قازىناسىنان قانشا قارجى بٶلٸنٸپ, ونىڭ قايدا ساقتالعانىن ەشكٸم بٸلگەن جوق. قوردىڭ جۇمىسىنا قاتىستى اشىق ەسەپتٸلٸك بولمادى. قوردىڭ سايتىندا قانشا قارجى تٷسكەنٸ جايىندا قۇرعاق اقپاراتتان باسقا ەشتەڭە تاپپايسىڭ. ايتالىق, 2020 جىلى قورعا اي سايىن 35-45 ملرد تەڭگە تٷسٸپ تۇرعان, – دەيدٸ ساراپشى.
راحىم وشاقباەۆتىڭ جەكە ەسەبٸ بويىنشا, قورعا ٷستٸمٸزدەگٸ جىلى 400-500 ملرد تەڭگە تٷسكەن.
– مەنٸڭ ويىمشا, قورعا تيەسٸلٸ جارتى تريللون تەڭگەنٸڭ كٶبەسٸ سٶگٸلمەي ۇلتتىق بانكتە ساقتالۋى مٷمكٸن. ەگەر وسى اقشانى پاندەمييا كەزٸندە تيٸمدٸ پايدالانعاندا, كٶپتەگەن ادامنىڭ ٶمٸرٸن ساقتاپ قالار ەدٸك. جارتى تريلليون تەڭگە 1,2 ملرد دوللاردى قۇرايدى. حالىققا قاجەت كەزٸندە وسىنشا قىرۋار قارجىنىڭ ەل مٷددەسٸنە جاراماي ەسەپشوتتا جاتۋىن قالاي تٷسٸنۋگە بولادى? – دەگەن ەكونوميست وسى اقشانى دەرەۋ مەملەكەت بيۋدجەتٸنە اۋدارىپ, كوروناۆيرۋسپەن كٷرەسكە قارسى باعىتتاۋ كەرەك ەكەنٸن دە تٸلگە تيەك ەتٸپتٸ.
– بٸرٸنشە كەزەكتە بۇل اقشاعا اسا قاجەت دەرٸلەردٸ ساتىپ الۋىمىز كەرەك. الداعى ۋاقىتتا تيٸمسٸز جۇمىس ٸستەپ, جىلىنا 10 ملرد تەڭگە شىعىنداپ كەلگەن مەدساقتىندرۋ قورىن تارقاتىپ, ونىڭ قىزمەتٸن دەنساۋلىق مينيسترلٸگٸنە قاراستى مەديتسينالىق قىزمەتكە تٶلەم جاساۋ كوميتەتٸنە قايتارۋ كەرەك, – دەپ راحىم وشاقباەۆ ٶز تالابىن اشىق ايتتى.
سٶز سوڭىندا وشاقباەۆ كوروناۆيرۋسپەن تيٸمدٸ كٷرەسۋگە قارجىلاي مٷمكٸندٸگٸ بولعان قور باسشىسىنىڭ اقىلى مەن ۇياتىنىڭ بار ەكەنٸنە كٷدٸك كەلتٸرٸپتٸ.
